Nýjar veiðitölur úr laxveiðiánum

Veiðimenn og leigutakar eru nokkuð sáttir að heyra nú þegar júní mánuður er að líða en auðvitað voru flestir að vonast eftir sterkari göngum í byrjun en það hefur alveg gerst áður að göngur hafi komið seint svo það er engin farinn að örvænta. Skilyrðin til veiða hafa oft verið erfið, sérstaklega í ánum á vesturlandi sem hafa á tíma verið nokkuð vatnsmiklar eftir einn blautasta júní í manna minnum.

Þegar tölurnar eru skoðaðar þá hljóta umsjónaraðilar Norðurár að vera í góðu skapi en Norðurá er enn sem komið er með mestu veiðina en þar hafa komið 246 laxar á land sem verður bara að teljast nokkuð gott en flestir sem hafa verið við ána í þessum mánuði segja að það sé gott magn af fiski í ánni og líklegt að hún verði í mjög góðu vatni fram í júlí sem gerir auðvitað mikið fyrir veiðitölur. Veiðin í Urriðafossi er minni en margir áttu von á en engu að síður hafa komið 225 laxar þar á land á aðeins fjórar stangir frá opnun sem gerir hana að þeirri laxveiðiá sem skilar flestum löxum per stöng. Framundan er besti mánuður sumarsins í laxveiðiánum og næsti stóri straumur er það sem allir bíða eftir að sjá hverju skili í árnar.

Topp listinn yfir árnar er hér fyrir neðan en listann í heild sinni má finna HÉR.

1. Norðurá - 246 laxar

2. Urriðafoss í Þjórsá - 225 laxar

3. Þverá/Kjarrá - 118 laxar

4. Haffjarðará - 93 laxar

5. Blanda - 69 laxar

6. Hítará - 53 laxar

7. Miðfjarðará - 49 laxar

8. Víðidalsá - 48 laxar

9. Eystri Rangá - 42 laxar

10. Stóra Laxá - 39 laxar