Birnir, GDRN og Sykur á ríku­legri dag­skrá Inni­púkans

Fjöldi þjóðþekktra listamanna hafa boðað komu sína á Innipúkann í ár. Þar má meðal annars nefna GDRN, Birni, Þórunni Antoníu, Valdimar og Sykur. 

Tónleikadagskrá hátíðarinnar fer fram föstudags-, laugardags- og sunnudagskvöld, helgina 4.-6. ágúst. Auk tónlistaratriða í Gamla Bíói og á Röntgen verður boðið upp á hátíðarstemningu í Ingólfsstræti alla helgina þar sem hægt verður að kaupa sér veitingar, hlýða á ljúfa tóna plötusnúða og versla á lista- og fatamarkaði. 

Þá munu plötusnúðar í fyrsta sinn koma fram á lokakvöldi Innipúkans þegar DJ Frímann og DJ Yamaho koma fram undir merkjum PartyZone95 þar sem house og teknó danstónlistarslagarar níunnar verða í aðalhlutverki.

Hljómsveitir, listamenn og plötusnúða sem fram munu koma á hátíðinni má sjá hér að neðan:

• Birnir
• Countess Malaise
• Daniil
• DJ Flugvél & geimskip
• GDRN
• Icy-G
• Ízleifur
• Kristín Sesselja
• Kvikindi
• Langi seli og skuggarnir
• Moses Hightower
• Partyzone 95: Frímann & Yamaho
• Ragga Holm X Steina
• Skrattar
• Sykur
• Tofi
• Ultraflex
• Valdimar
• Xiupill
• Þórunn Antonía
• Glókollur
•  DJ Hotline, KGB
•  DJ Ívar Pétur
•  Már & Nielson
•  DJ Mellí
•  DJ Python
•  DJ Station Helgi.

Miða á Innipúkann má nálgast á vefsíðu Tix.