Enski boltinn

Arsenal vildi fá Söru Björk

Ingvi Þór Sæmundsson skrifar
Sara Björk Gunnarsdóttir verður líklega áfram hjá Juventus.
Sara Björk Gunnarsdóttir verður líklega áfram hjá Juventus. getty/Ivan Romano

Arsenal hafði áhuga á að fá Söru Björk Gunnarsdóttur, leikmann Juventus og fyrrverandi fyrirliða íslenska landsliðsins í fótbolta, til liðsins.

Ítalski blaðamaðurinn Mauro Munno greinir frá þessu. Hann segir að þrátt fyrir áhuga Arsenal hafi Sara ákveðið að halda kyrru fyrir hjá Juventus.

Sara gekk í raðir Juventus frá Lyon í fyrra. Hún varð ítalskur bikarmeistari með liðinu á síðasta tímabili.

Sara hefur auk þess leikið með Rosengård og Wolfsburg á ferli sínum í atvinnumennsku.

Ekki er langt síðan Glódís Perla Viggósdóttur, núverandi landsliðsfyrirliði, var orðuð við Arsenal. Hún verður þó líklega áfram hjá Þýskalandsmeisturum Bayern München.

Enski boltinn Ítalski boltinn

Mest lesið


Fleiri fréttir

Sjá meira


×

Mest lesið