Ten Hag: „Áttum meira skilið úr þessum leik“

„Þú færð ekki alltaf þau úrslit sem þú átt skilið og mér finnst leikurinn í dag vera einn af þeim leikjum. Frammistaðan var góð en við fengum ekki þau úrslit sem við áttum skilið.“

Hann sagði að það væri vissulega hægt að taka einhverja jákvæða punkta út úr leiknum.

„Hraðinn og vinnusemin var góð og verður alltaf að vera til staðar. Við mættum góðu Arsenal liði í dag og þeir eru mjög öruggir á boltann og mér fannst við ná að draga þá svolítið út úr sínum þægindaramma. Við vörðumst vel og vorum þéttir fyrir.“

Hinn tvítugi Rasmus Højlund spilaði sínar fyrstu mínútur fyrir United í dag þegar hann kom inn á á 67. mínútu. Ten Hag sagði að hann hefði haft mjög jákvæð áhrif á liðið með hraða sínum og áræðni.

„Hann hafði mikil áhrif á leikinn en það er það sem þú reiknar með frá varamönnum. Martial átti líka góðan leik og liðið heilt yfir var að spila vel og ég er mjög ánægður með frammistöðuna hjá liðinu.“

Viðtalið við ten Hag má sjá í heild hér að neðan.