Lífið

Lauf­ey toppar Lady Gaga

Viktor Örn Ásgeirsson skrifar
Myndin er tekin af tónleikum Laufeyjar á tónlistarhátíðinni The Thing í Washington í ágúst.
Myndin er tekin af tónleikum Laufeyjar á tónlistarhátíðinni The Thing í Washington í ágúst. Getty/Valigorsky

Glæný plata tónlistarkonunnar Laufeyjar slær öll met á tónlistarveitunni Spotify. Fyrsta sólarhringinn var plötunni streymt 5,7 milljón sinnum, en það er langmesta spilun sem djassplata hefur fengið á tónlistarveitunni á fyrsta sólarhring eftir útgáfu.

Laufey tekur þannig langt fram úr Lady Gaga og Tony Bennett, sem gáfu út plötuna Love for Sale fyrir tveimur árum síðan. Henni var streymt 1,1 milljón sinnum fyrsta sólarhringinn, samkvæmt X-síðu sem heldur utan um streymistölur á Spotify. 

Laufey gaf út plötuna, sem ber nafnið Bewitched, á föstudag og hefur hún notið gríðarlegra vinsælda. Söngkonan hefur áður gefið út nokkrar smáskífur en Bewitched er hennar önnur plata í fullri lengd. Rúmar hundrað milljónir hafa streymt laginu From The Start af plötunni en Laufey gaf lagið út í maí á þessu ári. 

Söngkonan hefur farið mikla sigurför um heiminn og stefnir hún á tónleikaferðalag um Norður Ameríku í haust. Ferðalagið heitir The Bewitched Tour eftir plötunni nýju. Laufey kemur til með að halda 29 tónleika í Bandaríkjunum og Kanada og uppselt er á alla tónleikana.

Tónlist Menning Spotify

Tengdar fréttir

Norah Jones deildi visku sinni með Laufeyju

„Ég hitti guð í dag,“ skrifaði tónlistarkonan Laufey við Instagram færslu hjá sér undir mynd af henni og tónlistargyðjunni Noruh Jones. Þær stöllur höfðu verið að spila á sömu tónlistarhátíð í Belgíu og áttu að sögn Laufeyjar góðar samræður eftir tónleikana.

Laufey Lín með eina vinsælustu plötu Bandaríkjanna

Tónlistarkonan og djass söngkonan Laufey Lín Jónsdóttir situr í tíunda sæti yfir vinsælustu nýju plöturnar á topplista Spotify í Bandaríkjunum. Platan heitir Everything I Know About Love og kom út 26. ágúst síðastliðinn.

Kimmel sendi Lauf­eyju pylsusinnep eftir þáttinn

Íslenska tónlistarkonan Laufey Lin Jónsdóttir fékk heldur betur sérstaka kveðju frá þáttastjórnandanum Jimmy Kimmel í gærkvöldi. Laufey birti kveðjuna á Instagram-síðu sinni en hún flutti lagið sitt Like The Movies í spjallþætti Kimmel fyrir rúmri viku. 



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.