Láta sig dreyma um fleira fólk í Skaftárhreppi Oddur Ævar Gunnarsson skrifar 8. október 2023 08:01 Einar Kristján segir næga atvinnu að sækja í Skaftárhreppi. Vísir/Vilhelm Erfiðlega gengur að manna stöður á vegum sveitarfélagsins í Skaftárhreppi, hvort sem um er að ræða leikskóla, grunnskóla eða dvalarheimili. Sveitarstjóri segir það koma niður á þjónustu og grunar að skorti a fjölbreyttara húsnæði sé um að kenna. „Staðan hefur nú oft verið betri. Ég veit ekki alveg hvað það er sem veldur í þessu. Ef ég vissi það þá væri ég kannski með Nóbelsverðlaun í einhverju fagi,“ segir Einar Kristján Jónsson, sveitarstjóri Skaftárhrepps í samtali við Vísi. Lýsir erfiðleikum vegna sundlaugar, skóla og hjúkrunarheimilis Í minnisblaði til sveitarstjórnar Skaftárhrepps sem lagt var fyrir á fundi þann 14. september síðastliðinn lýsir Einar verulegum hallarekstri sundlaugar sveitarfélagsins, erfiðleikum vegna mönnunar í skólum og ástandi á Hjúkrunar-og dvalarheimilinu Klausturhólum. „Sveitarstjóri lagði fram minnisblað vegna reksturs sundlaugar og aðsóknartölur fyrstu 7 mánuði ársins. Verulegur hallarekstur er á sundlauginni sem nemur um 5 milljónum á mánuði að meðaltali,“ segir í minnisblaði Einars. Tilraun til að auka opnunartíma hafi ekki gengið upp. Einar segir óskandi að hægt væri að ráða faglært starfsfólk til starfa á hjúkrunarheimilinu.Vísir/Vilhelm „Vegna þess ástands sem nú ríkir á Hjúkrunar-og dvalarheimilinu Klausturhólum, óskar sveitarstjóri eftir því við sveitarstjórn að fyrritækið Líf og Sál verði fengið til að gera vinnustaðagreiningu á Hjúkrunar-og dvalarheimilinu sem allra fyrst. Sveitarstjórn samþykkir samhljóða málið og felur sveitarstjóra að vinna málið áfram.“ Þá kemur fram í fundargerð sveitarstjórnarinnar að sveitarstjóri hafi lýst yfir áhyggjum sínum yfir því hve illa gengi að manna stöður hjá sveitarfélaginu. „Kæmi þessi þörf á starfsmönnum niður á þjónustu sveitarfélagsins, sem væri bagalegt. Sveitarstjóri greindi frá því að stór atvinnuauglýsing hefði verið birt í Morgunblaðinu í dag og vonandi skilaði það einhverju.“ Ekki skortur á atvinnu en skortur á húsnæði Einar segir stöðuna óbreytta frá því í september. Hann segist hafa sínar kenningar um það hvers vegna svo illa gangi að manna störf. „Það getur náttúrulega haft einhver áhrif að menn hafi kannski ekkert endilega mikið val um íbúðarhúsnæði,“ segir Einar. Hann tekur fram að tvær íbúðir á vegum sveitarfélagsins séu á lokametrum viðhalds og lítið einbýlishús sem losni eftir næstu mánaðarmót. „Svo eru að koma inn núna einhverjar sjö íbúðir inn á markaðinn, næsta vor vonandi eða í vetur. En við erum náttúrulega að reyna ða hvetja menn til þess að koma bara og byggja. Það er ekki skortur á atvinnu. Það er skortur á fjölbreyttara húsnæði.“ Einar segir nóg af vinnu að sækja á Kirkjubæjarklaustri og í Skaftárhreppi.Vísir/Vilhelm Vantar sex manns eða fleiri Hvað eru þetta margar stöður sem eru ómannaðar? „Við gætum alveg bætt við okkur fimm til sex manns ef því væri að skipta. Við tækjum þess vegna fleiri. Ef við fengjum sérkennara, fengjum þroskaþjálfara og fengjum sjúkraþjálfara og allt þetta slilurðu, sem væri kannski í okkar villtustu draumum og leikskólakennara og stuðningsfulltrúa og kennara. Þetta vantar. Ef við fengjum allt þetta fólk þá er það náttúrulega draumur.“ Hvernig hefur þetta bitnað á þjónustunni? „Við höfum þurft að skerða aðeins opnun leikskóla. En við höfum farið nýja leið þar, þeir foreldrar sem stóðust þær kröfur og geta, hafa skipt því svolítið á milli sín að vera ekki allir í fríi í einu, heldur hafa þeir mætt í vinnu á leikskólann, sem er bara frábært. Bara til þess að það þyrfti ekki að senda alla heim. Það myndi bitna á öllum.“ Vont að geta ekki fengið fólk í fagstöður Einar segir vont að geta ekki ráðið faglært fólk í stöður á dvalarheimilinu Klausturhólum. Undirmönnunin bitni á starfsfólki. „Þetta er því miður raunin og hefur verið tekið eins og vertíð, þar sem fólk er mikið á aukavöktum, því miður. Í rauninni í allt of langan tíma,“ segir Einar. Skaftárhreppur Byggðamál Mest lesið Segir 60 mínútur hafa misst sjálfstæðið og hættir Erlent Þyrfti að tvöfalda hlutfall smærri íbúða til að anna eftirspurn Viðskipti innlent Sagður bjóða frið fyrir formlega eign á Krímskaga Erlent Beint flug milli Akureyrar og útlanda aldrei verið meira Innlent Óþarfi að nota kauðslega þýdda málshætti í páskaeggin Innlent Valdatafl í Vatíkaninu: Hver verður næsti páfi? Erlent Segir líklega langt í næsta gos við Sundhnúka Innlent „Ég er mannleg“ Innlent Oscar þori varla út úr húsi af ótta við að vera sendur úr landi Innlent Banað af hákörlum þar sem fólk hefur lengi synt með þeim Erlent Fleiri fréttir Hófu skothríð á ferðamenn í Kasmír Beint flug milli Akureyrar og útlanda aldrei verið meira „Ég er mannleg“ Segir líklega langt í næsta gos við Sundhnúka Óþarfi að nota kauðslega þýdda málshætti í páskaeggin Lofar betra sumri en í fyrra Fagnar umræðu um þátttöku Ísraels og segir útspil ráðherra gagnlegt Oscar þori varla út úr húsi af ótta við að vera sendur úr landi Breytingar á gosvirkni, júró-þrýstingur og umdeildir málshættir Missti vélarafl suður af Snæfellsnesi Reiknar með að sækja útför Frans páfa Páskaeggjaframleiðandi fagnar gagnrýni á málshætti Vildi „tagga“ Frans páfa en niðurstaðan reyndist slysaleg „Hér hefur verið unninn skaði sem þarf að stöðva“ Landris heldur áfram en dregið hefur úr hraðanum „Skrítið og óeðlilegt“ að Ísrael fái að vera með í Eurovision Barn á óskoðuðum bíl á 151 kílómetra hraða Gallar í nýbyggingum: Eigendur nýrra íbúða eigi ríkari rétt Ráðherra ræðir þátttöku Ísraels í Eurovision Vill að allir flokkar hafi hlutverk í borgarstjórn Mótmæltu brottvísun Oscars við dómsmálaráðuneytið Reyndu að fá Ingu á sitt band með fötu af „extra crispy“ kjúklingavængjum Mjög gjarnan kölluð nasisti og fasisti Stöðvaður á 116 kílómetra hraða Þrjátíu prestar krefjast dvalarleyfis fyrir Oscar Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Hvalreki í Njarðvík við Borgarfjörð eystri Forsætisráðherra vill sjá nýtt fangelsi á Stóra Hrauni sem fyrst „Til hamingju hálfvitar“ Svikahrappur beið eftir flugferð framkvæmdastjórans Sjá meira
„Staðan hefur nú oft verið betri. Ég veit ekki alveg hvað það er sem veldur í þessu. Ef ég vissi það þá væri ég kannski með Nóbelsverðlaun í einhverju fagi,“ segir Einar Kristján Jónsson, sveitarstjóri Skaftárhrepps í samtali við Vísi. Lýsir erfiðleikum vegna sundlaugar, skóla og hjúkrunarheimilis Í minnisblaði til sveitarstjórnar Skaftárhrepps sem lagt var fyrir á fundi þann 14. september síðastliðinn lýsir Einar verulegum hallarekstri sundlaugar sveitarfélagsins, erfiðleikum vegna mönnunar í skólum og ástandi á Hjúkrunar-og dvalarheimilinu Klausturhólum. „Sveitarstjóri lagði fram minnisblað vegna reksturs sundlaugar og aðsóknartölur fyrstu 7 mánuði ársins. Verulegur hallarekstur er á sundlauginni sem nemur um 5 milljónum á mánuði að meðaltali,“ segir í minnisblaði Einars. Tilraun til að auka opnunartíma hafi ekki gengið upp. Einar segir óskandi að hægt væri að ráða faglært starfsfólk til starfa á hjúkrunarheimilinu.Vísir/Vilhelm „Vegna þess ástands sem nú ríkir á Hjúkrunar-og dvalarheimilinu Klausturhólum, óskar sveitarstjóri eftir því við sveitarstjórn að fyrritækið Líf og Sál verði fengið til að gera vinnustaðagreiningu á Hjúkrunar-og dvalarheimilinu sem allra fyrst. Sveitarstjórn samþykkir samhljóða málið og felur sveitarstjóra að vinna málið áfram.“ Þá kemur fram í fundargerð sveitarstjórnarinnar að sveitarstjóri hafi lýst yfir áhyggjum sínum yfir því hve illa gengi að manna stöður hjá sveitarfélaginu. „Kæmi þessi þörf á starfsmönnum niður á þjónustu sveitarfélagsins, sem væri bagalegt. Sveitarstjóri greindi frá því að stór atvinnuauglýsing hefði verið birt í Morgunblaðinu í dag og vonandi skilaði það einhverju.“ Ekki skortur á atvinnu en skortur á húsnæði Einar segir stöðuna óbreytta frá því í september. Hann segist hafa sínar kenningar um það hvers vegna svo illa gangi að manna störf. „Það getur náttúrulega haft einhver áhrif að menn hafi kannski ekkert endilega mikið val um íbúðarhúsnæði,“ segir Einar. Hann tekur fram að tvær íbúðir á vegum sveitarfélagsins séu á lokametrum viðhalds og lítið einbýlishús sem losni eftir næstu mánaðarmót. „Svo eru að koma inn núna einhverjar sjö íbúðir inn á markaðinn, næsta vor vonandi eða í vetur. En við erum náttúrulega að reyna ða hvetja menn til þess að koma bara og byggja. Það er ekki skortur á atvinnu. Það er skortur á fjölbreyttara húsnæði.“ Einar segir nóg af vinnu að sækja á Kirkjubæjarklaustri og í Skaftárhreppi.Vísir/Vilhelm Vantar sex manns eða fleiri Hvað eru þetta margar stöður sem eru ómannaðar? „Við gætum alveg bætt við okkur fimm til sex manns ef því væri að skipta. Við tækjum þess vegna fleiri. Ef við fengjum sérkennara, fengjum þroskaþjálfara og fengjum sjúkraþjálfara og allt þetta slilurðu, sem væri kannski í okkar villtustu draumum og leikskólakennara og stuðningsfulltrúa og kennara. Þetta vantar. Ef við fengjum allt þetta fólk þá er það náttúrulega draumur.“ Hvernig hefur þetta bitnað á þjónustunni? „Við höfum þurft að skerða aðeins opnun leikskóla. En við höfum farið nýja leið þar, þeir foreldrar sem stóðust þær kröfur og geta, hafa skipt því svolítið á milli sín að vera ekki allir í fríi í einu, heldur hafa þeir mætt í vinnu á leikskólann, sem er bara frábært. Bara til þess að það þyrfti ekki að senda alla heim. Það myndi bitna á öllum.“ Vont að geta ekki fengið fólk í fagstöður Einar segir vont að geta ekki ráðið faglært fólk í stöður á dvalarheimilinu Klausturhólum. Undirmönnunin bitni á starfsfólki. „Þetta er því miður raunin og hefur verið tekið eins og vertíð, þar sem fólk er mikið á aukavöktum, því miður. Í rauninni í allt of langan tíma,“ segir Einar.
Skaftárhreppur Byggðamál Mest lesið Segir 60 mínútur hafa misst sjálfstæðið og hættir Erlent Þyrfti að tvöfalda hlutfall smærri íbúða til að anna eftirspurn Viðskipti innlent Sagður bjóða frið fyrir formlega eign á Krímskaga Erlent Beint flug milli Akureyrar og útlanda aldrei verið meira Innlent Óþarfi að nota kauðslega þýdda málshætti í páskaeggin Innlent Valdatafl í Vatíkaninu: Hver verður næsti páfi? Erlent Segir líklega langt í næsta gos við Sundhnúka Innlent „Ég er mannleg“ Innlent Oscar þori varla út úr húsi af ótta við að vera sendur úr landi Innlent Banað af hákörlum þar sem fólk hefur lengi synt með þeim Erlent Fleiri fréttir Hófu skothríð á ferðamenn í Kasmír Beint flug milli Akureyrar og útlanda aldrei verið meira „Ég er mannleg“ Segir líklega langt í næsta gos við Sundhnúka Óþarfi að nota kauðslega þýdda málshætti í páskaeggin Lofar betra sumri en í fyrra Fagnar umræðu um þátttöku Ísraels og segir útspil ráðherra gagnlegt Oscar þori varla út úr húsi af ótta við að vera sendur úr landi Breytingar á gosvirkni, júró-þrýstingur og umdeildir málshættir Missti vélarafl suður af Snæfellsnesi Reiknar með að sækja útför Frans páfa Páskaeggjaframleiðandi fagnar gagnrýni á málshætti Vildi „tagga“ Frans páfa en niðurstaðan reyndist slysaleg „Hér hefur verið unninn skaði sem þarf að stöðva“ Landris heldur áfram en dregið hefur úr hraðanum „Skrítið og óeðlilegt“ að Ísrael fái að vera með í Eurovision Barn á óskoðuðum bíl á 151 kílómetra hraða Gallar í nýbyggingum: Eigendur nýrra íbúða eigi ríkari rétt Ráðherra ræðir þátttöku Ísraels í Eurovision Vill að allir flokkar hafi hlutverk í borgarstjórn Mótmæltu brottvísun Oscars við dómsmálaráðuneytið Reyndu að fá Ingu á sitt band með fötu af „extra crispy“ kjúklingavængjum Mjög gjarnan kölluð nasisti og fasisti Stöðvaður á 116 kílómetra hraða Þrjátíu prestar krefjast dvalarleyfis fyrir Oscar Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Hvalreki í Njarðvík við Borgarfjörð eystri Forsætisráðherra vill sjá nýtt fangelsi á Stóra Hrauni sem fyrst „Til hamingju hálfvitar“ Svikahrappur beið eftir flugferð framkvæmdastjórans Sjá meira