„Hann var eins og Messi“

Bernardo Silva skoraði tvö mörk í leiknum og var allt í öllu í sóknarleik liðsins en Guardiola líkti honum við Lionel Messi eftir leikinn.

„Hann er magnaður leikmaður og hann skoraði tvö frábær mörk. Hann leit út eins og Messi í öðru markinu, hvernig hann hreyfði sig og hvernig hann kláraði færið, Messi hefur gert þetta svo oft,“ sagði Pep Guardiola.

Bernardo Silva var nálægt því að yfirgefa City í sumar en ákvað að lokum að vera áfram í herbúðum liðsins sem gladdi Guardiola mikið.

„Við erum allir svo ánægðir að hann sé enn hjá okkur, það er svo auðvelt að sjá hvað hann gerir fyrir allt liðið,“ endaði Pep Guardiola að segja.