Sjávarútvegsfyrirtækið Eskja hélt árshátíð í Dubrovnik um helgina. Auðunn Blöndal og Steindi Jr. sáu um veislustjórn og Jökull í Kaleo tók lagið fyrir gesti.
Árshátíð Símans fór fram með pompi og prakt í Berlín þar sem þema veislunnar var októberfest. Skemmtikraftarnir Eva Ruza og Hjálmar Örn fóru af kostum líkt og við var að búast.
Glæsileg á Airwaves
Bríet birti seiðandi mynd af sér frá hátíðinni.
Strákaband
Emmsjé Gauti kom fram á tónlistarhátíðinni Airwaves í vikunni.
Glæsileg að vanda
Tónlistarkonan Svala Björgvinsdóttir birti mynd af sér. Glæsileg að vanda.
Skvísa í silfri
„Dýrið gengur laust,“ skrifar Pattra Sriyanonge við skvísumynd af sér um helgina.
Sólarfrí á Tenerife
Tónlistarkonan Gréta Salomé fór í fjölskyldufrí til Tenerife á dögunum.
Fiskidagurinn allur
Friðrik Ómar Hjörleifsson, tónlistarmaður og Dalvíkingur þakkar fyrir sig og um leið öllum þeim sem komu fram á Fiskideginum mikla á Dalvík síðastliðin tuttugu ár. Fiskidagurinn verður ei meir.
Jólaskraut í Eyjum
Guðrún Veiga er sannkallað jólabarn og er byrjuð að skreyta fyrir hátíðina. Ekki seinna vænna.
„Enginn listamaður hefur haft jafn mikil áhrif á mig“
Útvarpsmaðurinn Siggi Gunnars hitti hetjuna sína, Egil Ólafsson, síðastliðinn föstudag.
„Þegar maður hittir hetjuna sína,“ skrifar Siggi við mynd af þeim félögum.
Einhleyp í London
Embla Wigum birti myndasyrpu frá haustinu í London.
Hrekkjavökupartý
Tara Sif og Elfar Elí buðu í Hrekkjavökupartý.
Sandra Björg og Hilmar létu sig ekki vanta.
Heppinn gaur
Ásdís Rán Gunnarsdóttir, Ísdrottning, birti sæta mynd af sér og kærastanum Þórði Daníel.
Beðið eftir barni
Birgitta Líf birti mynd af sér á náttfötunum en World-class erfinginn á von á barni.
Sætar vinkonur
Elísabet Gunnars birti mynd af sér ásamt vinkonu sinni, Andreu Magnúsdóttur. Glæsilegar að vanda.
PBT númeraplata komin í hús
Tónlistarmaðurinn Patrik Atlason fagnaði 29 ára afmæli sínu á dögunum. Patrik fékk númeraplötu að gjöf með stöfunum PBT sem stendur fyrir prettyboitjokkó. Patrik tróð upp á Sjallanum á Akureyri um helgina.
Kórdrottning varð áttræð
Þorgerður Ingólfsdóttir, kórstjóri og heiðursborgari Reykjavíkur, varð áttræð í gær. Hún fagnaði tímamótunum með vinum sínum í hófi í Ásmundarsafni í Sigtúni. Þar var mikið sungið eins og gefur að skilja. Þorgerður stýrði kór Menntaskólans við Hamrahlíð í fimmtíu ár þar til hún lét af störfum árið 2017.
Múgur og margmenni
Eliza Reid forsetafrú, menningar- og fjölmiðlafólk var á meðal þeirra sem mættu í opið hús hjá Haraldi Þorleifssyni á veitingahúsinu Önnu Jónu síðastliðinn fimmtudag.
