Tónlist

„Sumt mun kannski sjokkera fólk“

Dóra Júlía Agnarsdóttir skrifar
Tónlistarmaðurinn Jóhann var að senda frá sér sitt fyrsta lag.
Tónlistarmaðurinn Jóhann var að senda frá sér sitt fyrsta lag. Aðsend

Hinn 22 ára gamli Jóhann Ágúst Ólafsson var að senda frá sér sitt fyrsta lag, „Kallinn á tunglinu“. Lagið var kynnt inn í fasta liðnum Íslenskt og áhugavert á Íslenska listanum á FM í dag.

Hér má heyra Kallinn á tunglinu en lagið flytur Jóhann ásamt tónlistarmanninum JóaPé:

Klippa: Kallinn á tunglinu - Jóhann ft. JóiPé

Eitthvað sem small saman

Blaðamaður ræddi við Jóhann sem segir ferlið hafa verið magnað. Lagið fór fljótt inn á vinsældarlistann Top 50 Iceland á streymisveitunni Spotify. 

„Ég og pródúser lagsins, Valgeir Snær, hittumst uppi í stúdíói í maí á þessu ári og bjuggum til lagið í einu sessioni. Það var bara eitthvað sem small saman. Við vorum búnir að vera að leita að einhverju fersku Indie-pop hljóði og þetta lag var útkoman.

Síðan sendi Valgeir lagið á JóaPé í gegnum Instagram og spurði hann hvað honum fyndist. JóiPé svaraði: „Þetta er ferskt hljóð! Má ég hoppa á þetta eða?“

Okkur fannst það náttúrulega frábær hugmynd. Við sáum bara strax fyrir okkur að hann myndi passa fullkomlega á þetta.“

Allt frá rappi til Johnny Cash

Jóhann er að eigin sögn rétt að byrja og sækir tónlistarinnblásturinn víða. Hann segist hlusta á bókstaflega alla tónlist.

„Sem krakki hlustaði ég alls konar, allt frá 50 cent til Johnny Cash og Rolling Stones. Ég myndi segja að minn stærsti innblástur í tónlist komi frá Daft Punk, Johnny Cash, 50 Cent, Kanye West, Sade, Michael Jackson, Dire Straits, Yung Lean, John Mayer, Central Cee og Lil Wayne. En ég gæti haft þennan lista töluvert lengri.“

Hann segist ekki draga innblásturinn af afmarkaðri tónlistartegund. 

„Ég er til dæmis með nokkur lög í geymslunni sem eru af allt öðru tagi en Kallinn á Tunglinu. Sumt mun kannski sjokkera fólk pínu þegar ég gef það út. Ég vil sýna fólki að ég geti gert alla tónlist, sama hvaða flokki hún tilheyrir. Það er líka bara svo ótrúlega gaman að breyta til og gera eitthvað nýtt.“

Íslenski listinn er fluttur alla laugardaga á milli klukkan 14:00 og 16:00 á FM957.

Lög Íslenska listans:

Íslenski listinn á Spotify: 

Tónlist Íslenski listinn FM957

Tengdar fréttir

Vilja ekki láta aukna velgengni aftra sér

„Við erum búin að þróa með okkur meiri fullkomnunaráráttu,“ segir danssveitin Inspector Spacetime sem hefur verið að gera góða hluti í íslensku tónlistarsenunni síðustu misseri.

„Að finnast þú geta öskrað en enginn heyrir“

„Lagið er ein stór spurning; hvað á ég að segja til að fólk heyri?“ segir tónlistarkonan og leikkonan Elín Hall um lagið sitt bankastræti, sem hún syngur ásamt Unu Torfa.

Erfiðir tímar í sambandi urðu að popplagi

„Trust issues fjallar um þær tilfinningar sem komu upp hjá mér þegar ég gekk í gegnum erfiðan tíma í sambandi,“ segir tónlistarkonan Þórunn Salka. Hún var að senda frá sér lagið Trust Issues en lagið var kynnt inn í fasta liðnum Íslenskt og áhugavert á Íslenska listanum á FM.

„Munum öll hringja okkur inn veik á morgun“

„Kiki er óður til heimapartýja í London sem heita öðru nafni Kikis. Kiki er eina móteitrið við gráma borgarinnar þegar sumarið er liðið,“ segir Katrín Helga Andrésdóttir sem notast við listamannsnafnið Special-K. Lagið Kiki var kynnt inn í fasta liðnum Íslenskt og áhugavert á Íslenska listanum á FM í dag.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.