Gísli Þor­geir Í­þrótta­maður ársins 2023

Þetta er í fyrsta sinn sem Gísli hlýtur þessa nafnbót en þriðja árið í röð sem handboltamaður er valinn Íþróttamaður ársins. Ómar Ingi Magnússon, samherji Gísla hjá Magdeburg og íslenska landsliðinu, hlaut þessa nafnbót 2021 og 2022.

Gísli fékk fimm hundruð stig í kjörinu, 128 stigum meira en sundkappinn Anton Svein McKee sem varð í 2. sæti. Fótboltakonan Glódís Perla Viggósdóttir varð í 3. sæti með 326 stig. Þau þrjú voru langefst í kjörinu.

Gísli átti frábært ár með Magdeburg. Hann var valinn besti leikmaður þýsku úrvalsdeildarinnar og verðmætasti leikmaður úrslitahelgi Meistaradeildar Evrópu sem Magdeburg vann. Gísli skoraði sex mörk í úrslitaleiknum gegn Kielce þrátt fyrir að hafa farið úr axlarlið í undanúrslitaleiknum gegn Barcelona deginum áður. Gísli var sjöundi markahæsti leikmaður Meistaradeildarinnar með 87 mörk.

Þá var Gísli í lykilhlutverki í íslenska landsliðinu sem lenti í 12. sæti á heimsmeistaramótinu í Póllandi og Svíþjóð.

Hlaupa- og skíðakonan Andrea Kolbeinsdóttir varð í 4. sæti í kjörinu á Íþróttamanni ársins og fótboltakonan Sveindís Jane Jónsdóttir í því fimmta.

Íþróttamaður ársins