Subway Körfuboltakvöld: Átti Milka að fara úr húsi?

Umdeilt atvik átti sér stað í leik Njarðvíkur og Stjörnunnar á föstudagskvöldið þar Dominykas Milka, leikmaður Njarðvíkur, lenti ofan á Ægi Þór Steinarssyni, leikmanni Stjörnunnar. Stefán Árni og sérfræðingar hans ræddu atvikið og veltu því fyrir sér hvort að þetta hafi verið vísvitandi hjá Milka.

„Þetta er klárlega bara út úr húsi fyrir mér. Hann fer það hægt og hann hefur þarna þrjú skref til þess að ákveða sig. Haltu frekar hlaupinu þínu áfram og farðu á skiltið. Þetta er ásetningur í þessu að fara á manninn,“ sagði Sævar Sævarsson.

Atvikið umdeilda má sjá hér fyrir neðan.