Fasta­nefndir þingsins koma saman og hefja störf

Fram kemur í Morgunblaðinu í morgun að eina málið á dagskrá hjá stjórnskipunar- og eftirlitsnefnd sé stjórnsýsluúttekt Ríkisendurskoðunar um breytingar á stjórnarmálefnum ráðuneyta. Í úttektinni kemur meðal annars fram að forsætisráðuneytið og fjármála- og efnahagsráðuneytið þurfi að efla miðlæga verkstjórn og setja skýrari viðmið og verkferla.

Fjárlaganefnd mun fjalla um staðfestingu ríkisreiknings 2022. Almennar sanngirnisbætur eru á dagskrá allsherjar og menntamálanefndar og frumvarp til breytinga á vopnalögum. Hvorugt frumvarp náði fram að ganga á haustþingi. 

Atvinnuveganefnd fjallar um eigin tillögur til breytinga á raforkulögum. Frumvarpið, sem kveður á um að orkuöryggi almennings, fyrirtækja og annarra stórnotenda verði tryggt var umdeilt og umræðu um það frestað rétt fyrir jól.