Bridge-æði á Íslandi Jakob Bjarnar skrifar 22. janúar 2024 10:37 Birkir Jón er fyrirliði landsliðsins en þátttaka í WBT Reykjavík, sterkasta bridge-móti sem haldið hefur verið á Íslandi, er glæsilegur upptaktur fyrir undirbúning Evrópumótsins sem fram fer í sumar. vísir/pétur Bridge-æði ríkir á Íslandi. Sem er óvænt á tölvuöld. Ekki beinlínis í takti við tímann en þannig er það nú samt og segir ef til vill sína sögu um einhvers konar díalektískt afturhvarf. Og nú stendur fyrir dyrum ofurbridge-mót, eitt það sterkasta sem haldið hefur verið á Íslandi og í framhaldi af því hefst sjálf Bridge-hátíð. Sannkölluð bridge-veisla stendur fyrir dyrum og bridge-áhugamenn fagna. Mótið sem kallast WBT Masters Reykjavík er sveitakeppni og Íslendingar eru með tvær sveitir, sjálft landsliðið og Grant Thornton, sveit sem má kannski kalla pressuliðið en sú sveit hefur verið að gera það gott á mótum að undanförnu. Sterkasta bridge-mót sem haldið hefur verið á Íslandi Vísir náði tali af sjálfum fyrirliða landsliðsins, sem er fyrrum þingmaður Framsóknarflokksins og bæjarfulltrúi í Kópavogi, Birkir Jón Jónsson er brattur að vanda. Hann var nýkominn af æfingu þegar Vísir náði tali af honum og Birkir Jón var auðvitað spurður bjánaspurningar. Hvernig æfa menn fyrir bridge-mót? „Það er náttúrlega bara … menn taka æfingar og melda spil. Og ræða ýmsar stöður sem koma upp.“ Fyrirliðanum vefst tunga um tönn. En þrjú pör skipa landsliðið og Birkir Jón spilar með sjálfum Aðalsteini Jörgensen, sem er gullaldarspilari. „Við erum að endurnýja gömul kynni.“ Birkir Jón ber saman bækur sína við meðal annarra sjálfan kynningarfulltrúa Bridgesambandsins, Björn Þorláksson.vísir/pétur En er hægt að fullyrða að um sé að ræða sterkasta bridge-mót sem haldið hefur verið á Íslandi, eins og grjótharður upplýsingafulltrúi Bridgesambandsins heldur fram? „Tjahhh, það er ljóst að í þessum sveitum sem eru að koma til landsins eru flestir af sterkustu spilurum heims. Ég hef svo sem ekki gert neina vísindalega úttekt almennt á styrkleikasveitanna en það er ljóst að þetta er mikill viðburður að fá alla þessa spilara til landsins.“ Ekki gott að mæta til leiks með hræðslusvip á andliti Birkir Jón segir það mikla viðurkenningu fyrir Bridgesambandið að fá að halda þetta WBT-mót. „Þetta leiðir líka það af sér að mætingin á Bridgehátíð, sem er haldin í beinu framhaldi, er ein sú allra besta um árabil. Þannig að, jájá, þetta er mikil lyftistöng fyrir bridge-ið. Maður sér það líka í iðkun að það er mikil fjölgun; bæði meðal þeirra sem mæta á námskeið og líka í félögunum. Það er mikil sigling á íþróttinni núna um þessar mundir,“ segir Birkir Jón. Við fögnum því auðvitað. Bridge er sú íþrótt sem við Íslendingar höfum náð mestum árangri í. Bermúda-skálin er Íslendingum enn í fresku minni, helst er á Birki Jóni að skilja að það hafi verið í gær sem Ísland vann skálina þá en þó eru liðin þrjátíu ár síðan það var. Fyrirliðinn er brattur og segir það ekki duga að mæta til leiks með hræðslusvip. Virkilega spennandi verður að fylgjast með gengi íslensku sveitanna sem nú fá þess kost að reyna sig við þá bestu.vísir/pétur Tíminn er afstæður þegar menn spila bridge. Og nú er vakning. En er Birkir Jón ekkert hræddur við að mæta þessum ofurspilurum sem eru væntanlegir? „Það veit nú ekki á gott ef maður sest við borðið með einhvern hræðslusvip. Nei, nei, maður ber virðingu fyrir þessum andstæðingum en ef við spilum góðan bridge getur allt gerst í þessu móti,“ segir Birkir Jón. Píndur til að læra bridge í busavígslu á Laugavatni Íslensku spilararnir eru að kljást við menn sem hafa bridge að atvinnu og spila auðvitað margfalt meira en okkar menn. „Þeir eru á mótum um heim allan þannig að það er ólíku saman að jafna en það er búið að setja upp metnaðarfullt landsliðsprógramm. Þetta er fyrsta skrefið í þeirri vegferð að undirbúa okkur fyrir Evrópumótið sem verður í sumar. Þannig að þetta er fyrsti prófsteinninn, þannig.“ Landsliðsnefnd velur landsliðið og svo er þarna annað lið, sem má ef til vill kalla pressulið? „Já, ég myndi segja það. Þetta er sveit sem hefur náð mjög góðum árangri, unnið Íslandsmót og þeir eru til alls vísir.“ Matthías Imsland er framkvæmdastjóri Bridgesambands Íslands og hann segir alltaf gaman, í meðbyr. Sjálfur lærði hann að spila bridge þegar hann var í Menntaskólanum á Laugavatni en þá var þetta liður í busavígslunni, að pína menn til að læra að spila bridge. Matthías hefur lyft grettistaki eftir að hann tók við sem framkvæmdastjóri. „Við spilum í Hörpu og útlendingum finnst þetta geggjað umhverfi. Þetta er í annað skipti sem ég held hátíðina.“ Bridge-vakning á Íslandi Matthías upplýsir að um átta hundruð manns taki þátt í Bridgehátíð, sem tekur við af WBT-mótinu; og verður haldin á fimmtudegi, föstudegi, laugardegi og sunnudegi. Bæði er spilaður tvímenningur og sveitakeppni. Þrjú hundruð útlendingar eru væntanlegir. Matthías Imsland er framkvæmdastjóri Bridgesambandsins og hann segir vakninguna megi ef til vill rekja til hugarfarsbreytingar. Bridge sé einfaldlega frábært spil.vísir/pétur „Þar er mikill áhugi. Það þykir Hipp og kúl að koma til Íslands og spila. Og það verður troðfullt í Hörpu. Stærsta vandamálið hjá okkur núna er plássleysi,“ segir Matthías sem var að flytja aðgerðastjórnina á fjórðu hæð. Sannkölluð bridge-vakning hefur verið á Íslandi á allra síðustu árum. Þeim hjá Bridge-hreyfingunni hefur tekist að koma bridge inn sem valáfanga hjá framhaldsskólum, fullt er á öll byrjendanámskeið og framhaldsnámskeið líka. „Það er engin ein skýring en ein gæti verið að Bridgesambandið sjálft var kannski búið að missa trúna. Það var enginn ungur að læra þetta og þeir sáu þetta bara í andaslitrunum. En þetta er bara gott spil og af hverju ættu krakkar ekki að hafa gaman að þessu núna eins og þá?“ spyr Matthías og bætir því við að aukin umræða, aukinn sýnileiki, spili sína rullu. Bridge Mest lesið Vegaframkvæmdir við Höfðabakka valdi bæði umferðaröngþveiti og töfum Innlent Keyrðu hratt á hjólreiðastíg og tóku fram úr reiðhjólamönnum á háannatíma Innlent Vonast til að uppsagnir leiði ekki til flutnings fólks af svæðinu Innlent Þriggja mánaða bið eftir greftrun: „Þetta var óbærilegur yfirgangur“ Innlent Biskup lætur Rúv heyra það vegna umræðunnar í gær Innlent Enn eigi margir eftir að gera upp hug sinn um aðildarviðræður Innlent Laugarnestangi skrefi nær friðlýsingu Innlent „Borgarstjórn stendur með trans fólki og hinsegin samfélaginu öllu“ Innlent Bjarnhólastígur gata ársins í Kópavogi Innlent Vonbrigði að tillögu um símabann og samræmd próf hafi verið vísað frá Innlent Fleiri fréttir Rannsaka stórfellda líkamsárás í Seljahverfi Vegaframkvæmdir við Höfðabakka valdi bæði umferðaröngþveiti og töfum Enn eigi margir eftir að gera upp hug sinn um aðildarviðræður Vonast til að uppsagnir leiði ekki til flutnings fólks af svæðinu Laugarnestangi skrefi nær friðlýsingu Bjarnhólastígur gata ársins í Kópavogi Keyrðu hratt á hjólreiðastíg og tóku fram úr reiðhjólamönnum á háannatíma Vonbrigði að tillögu um símabann og samræmd próf hafi verið vísað frá Regnbogafánar víða við hún: Umræðan „grátbrosleg en samt grafalvarleg“ Þriggja mánaða bið eftir greftrun: „Þetta var óbærilegur yfirgangur“ „Borgarstjórn stendur með trans fólki og hinsegin samfélaginu öllu“ „Það logar allt í hinsegin samfélaginu“ Beið í marga mánuði eftir að jarða móður sína Komst upp úr sjónum af sjálfsdáðum Fækka eftirlitsaðilum verulega Baðlón fær ekki að setja upp ljósaskilti við hringveginn Biskup lætur Rúv heyra það vegna umræðunnar í gær Bein útsending: Kynna breytingar á eftirliti og mengunarvörnum „Ég er með meiri athygli í tímum og maður lærir miklu betur“ Ekki hægt að byggja endurbætur í Mjóddinni á frasapólitík Vilja samræmd próf og móttökudeildir fyrir innflytjendur Haustið komið og auknar líkur á grjóthruni, aurskriðum og aurflóðum „Þeir sem eru haldnir fordómum eiga ekki að koma nálægt opinberri stefnumótun“ „Ég treysti því að stjórnvöld vakni og hjálpi okkur“ Sótt að Snorra vegna framkomu hans og forneskjulegra skoðana Enn fleiri uppsagnir á Bakka og Dóra Björt segir Mjóddina rækilega á dagskrá Nýr matsferill „stórkostlegar fréttir“ að mati formanns Bæta lyftuhúsi við leikskólann og opna ekki fyrr en 2027 Ívar leiðir frekari uppbyggingu Húseigendafélagsins Börnum á bið eftir leikskólaplássi í Reykjavík fækkar milli ára Sjá meira
Og nú stendur fyrir dyrum ofurbridge-mót, eitt það sterkasta sem haldið hefur verið á Íslandi og í framhaldi af því hefst sjálf Bridge-hátíð. Sannkölluð bridge-veisla stendur fyrir dyrum og bridge-áhugamenn fagna. Mótið sem kallast WBT Masters Reykjavík er sveitakeppni og Íslendingar eru með tvær sveitir, sjálft landsliðið og Grant Thornton, sveit sem má kannski kalla pressuliðið en sú sveit hefur verið að gera það gott á mótum að undanförnu. Sterkasta bridge-mót sem haldið hefur verið á Íslandi Vísir náði tali af sjálfum fyrirliða landsliðsins, sem er fyrrum þingmaður Framsóknarflokksins og bæjarfulltrúi í Kópavogi, Birkir Jón Jónsson er brattur að vanda. Hann var nýkominn af æfingu þegar Vísir náði tali af honum og Birkir Jón var auðvitað spurður bjánaspurningar. Hvernig æfa menn fyrir bridge-mót? „Það er náttúrlega bara … menn taka æfingar og melda spil. Og ræða ýmsar stöður sem koma upp.“ Fyrirliðanum vefst tunga um tönn. En þrjú pör skipa landsliðið og Birkir Jón spilar með sjálfum Aðalsteini Jörgensen, sem er gullaldarspilari. „Við erum að endurnýja gömul kynni.“ Birkir Jón ber saman bækur sína við meðal annarra sjálfan kynningarfulltrúa Bridgesambandsins, Björn Þorláksson.vísir/pétur En er hægt að fullyrða að um sé að ræða sterkasta bridge-mót sem haldið hefur verið á Íslandi, eins og grjótharður upplýsingafulltrúi Bridgesambandsins heldur fram? „Tjahhh, það er ljóst að í þessum sveitum sem eru að koma til landsins eru flestir af sterkustu spilurum heims. Ég hef svo sem ekki gert neina vísindalega úttekt almennt á styrkleikasveitanna en það er ljóst að þetta er mikill viðburður að fá alla þessa spilara til landsins.“ Ekki gott að mæta til leiks með hræðslusvip á andliti Birkir Jón segir það mikla viðurkenningu fyrir Bridgesambandið að fá að halda þetta WBT-mót. „Þetta leiðir líka það af sér að mætingin á Bridgehátíð, sem er haldin í beinu framhaldi, er ein sú allra besta um árabil. Þannig að, jájá, þetta er mikil lyftistöng fyrir bridge-ið. Maður sér það líka í iðkun að það er mikil fjölgun; bæði meðal þeirra sem mæta á námskeið og líka í félögunum. Það er mikil sigling á íþróttinni núna um þessar mundir,“ segir Birkir Jón. Við fögnum því auðvitað. Bridge er sú íþrótt sem við Íslendingar höfum náð mestum árangri í. Bermúda-skálin er Íslendingum enn í fresku minni, helst er á Birki Jóni að skilja að það hafi verið í gær sem Ísland vann skálina þá en þó eru liðin þrjátíu ár síðan það var. Fyrirliðinn er brattur og segir það ekki duga að mæta til leiks með hræðslusvip. Virkilega spennandi verður að fylgjast með gengi íslensku sveitanna sem nú fá þess kost að reyna sig við þá bestu.vísir/pétur Tíminn er afstæður þegar menn spila bridge. Og nú er vakning. En er Birkir Jón ekkert hræddur við að mæta þessum ofurspilurum sem eru væntanlegir? „Það veit nú ekki á gott ef maður sest við borðið með einhvern hræðslusvip. Nei, nei, maður ber virðingu fyrir þessum andstæðingum en ef við spilum góðan bridge getur allt gerst í þessu móti,“ segir Birkir Jón. Píndur til að læra bridge í busavígslu á Laugavatni Íslensku spilararnir eru að kljást við menn sem hafa bridge að atvinnu og spila auðvitað margfalt meira en okkar menn. „Þeir eru á mótum um heim allan þannig að það er ólíku saman að jafna en það er búið að setja upp metnaðarfullt landsliðsprógramm. Þetta er fyrsta skrefið í þeirri vegferð að undirbúa okkur fyrir Evrópumótið sem verður í sumar. Þannig að þetta er fyrsti prófsteinninn, þannig.“ Landsliðsnefnd velur landsliðið og svo er þarna annað lið, sem má ef til vill kalla pressulið? „Já, ég myndi segja það. Þetta er sveit sem hefur náð mjög góðum árangri, unnið Íslandsmót og þeir eru til alls vísir.“ Matthías Imsland er framkvæmdastjóri Bridgesambands Íslands og hann segir alltaf gaman, í meðbyr. Sjálfur lærði hann að spila bridge þegar hann var í Menntaskólanum á Laugavatni en þá var þetta liður í busavígslunni, að pína menn til að læra að spila bridge. Matthías hefur lyft grettistaki eftir að hann tók við sem framkvæmdastjóri. „Við spilum í Hörpu og útlendingum finnst þetta geggjað umhverfi. Þetta er í annað skipti sem ég held hátíðina.“ Bridge-vakning á Íslandi Matthías upplýsir að um átta hundruð manns taki þátt í Bridgehátíð, sem tekur við af WBT-mótinu; og verður haldin á fimmtudegi, föstudegi, laugardegi og sunnudegi. Bæði er spilaður tvímenningur og sveitakeppni. Þrjú hundruð útlendingar eru væntanlegir. Matthías Imsland er framkvæmdastjóri Bridgesambandsins og hann segir vakninguna megi ef til vill rekja til hugarfarsbreytingar. Bridge sé einfaldlega frábært spil.vísir/pétur „Þar er mikill áhugi. Það þykir Hipp og kúl að koma til Íslands og spila. Og það verður troðfullt í Hörpu. Stærsta vandamálið hjá okkur núna er plássleysi,“ segir Matthías sem var að flytja aðgerðastjórnina á fjórðu hæð. Sannkölluð bridge-vakning hefur verið á Íslandi á allra síðustu árum. Þeim hjá Bridge-hreyfingunni hefur tekist að koma bridge inn sem valáfanga hjá framhaldsskólum, fullt er á öll byrjendanámskeið og framhaldsnámskeið líka. „Það er engin ein skýring en ein gæti verið að Bridgesambandið sjálft var kannski búið að missa trúna. Það var enginn ungur að læra þetta og þeir sáu þetta bara í andaslitrunum. En þetta er bara gott spil og af hverju ættu krakkar ekki að hafa gaman að þessu núna eins og þá?“ spyr Matthías og bætir því við að aukin umræða, aukinn sýnileiki, spili sína rullu.
Bridge Mest lesið Vegaframkvæmdir við Höfðabakka valdi bæði umferðaröngþveiti og töfum Innlent Keyrðu hratt á hjólreiðastíg og tóku fram úr reiðhjólamönnum á háannatíma Innlent Vonast til að uppsagnir leiði ekki til flutnings fólks af svæðinu Innlent Þriggja mánaða bið eftir greftrun: „Þetta var óbærilegur yfirgangur“ Innlent Biskup lætur Rúv heyra það vegna umræðunnar í gær Innlent Enn eigi margir eftir að gera upp hug sinn um aðildarviðræður Innlent Laugarnestangi skrefi nær friðlýsingu Innlent „Borgarstjórn stendur með trans fólki og hinsegin samfélaginu öllu“ Innlent Bjarnhólastígur gata ársins í Kópavogi Innlent Vonbrigði að tillögu um símabann og samræmd próf hafi verið vísað frá Innlent Fleiri fréttir Rannsaka stórfellda líkamsárás í Seljahverfi Vegaframkvæmdir við Höfðabakka valdi bæði umferðaröngþveiti og töfum Enn eigi margir eftir að gera upp hug sinn um aðildarviðræður Vonast til að uppsagnir leiði ekki til flutnings fólks af svæðinu Laugarnestangi skrefi nær friðlýsingu Bjarnhólastígur gata ársins í Kópavogi Keyrðu hratt á hjólreiðastíg og tóku fram úr reiðhjólamönnum á háannatíma Vonbrigði að tillögu um símabann og samræmd próf hafi verið vísað frá Regnbogafánar víða við hún: Umræðan „grátbrosleg en samt grafalvarleg“ Þriggja mánaða bið eftir greftrun: „Þetta var óbærilegur yfirgangur“ „Borgarstjórn stendur með trans fólki og hinsegin samfélaginu öllu“ „Það logar allt í hinsegin samfélaginu“ Beið í marga mánuði eftir að jarða móður sína Komst upp úr sjónum af sjálfsdáðum Fækka eftirlitsaðilum verulega Baðlón fær ekki að setja upp ljósaskilti við hringveginn Biskup lætur Rúv heyra það vegna umræðunnar í gær Bein útsending: Kynna breytingar á eftirliti og mengunarvörnum „Ég er með meiri athygli í tímum og maður lærir miklu betur“ Ekki hægt að byggja endurbætur í Mjóddinni á frasapólitík Vilja samræmd próf og móttökudeildir fyrir innflytjendur Haustið komið og auknar líkur á grjóthruni, aurskriðum og aurflóðum „Þeir sem eru haldnir fordómum eiga ekki að koma nálægt opinberri stefnumótun“ „Ég treysti því að stjórnvöld vakni og hjálpi okkur“ Sótt að Snorra vegna framkomu hans og forneskjulegra skoðana Enn fleiri uppsagnir á Bakka og Dóra Björt segir Mjóddina rækilega á dagskrá Nýr matsferill „stórkostlegar fréttir“ að mati formanns Bæta lyftuhúsi við leikskólann og opna ekki fyrr en 2027 Ívar leiðir frekari uppbyggingu Húseigendafélagsins Börnum á bið eftir leikskólaplássi í Reykjavík fækkar milli ára Sjá meira