Martin öflugur í ó­væntum sigri Alba Ber­lín

Leikur kvöldsins var jafn í fyrsta leikhluta en i öðrum settu heimamenn í fimmta gír og stungu af. Munurinn var orðinn 15 stig í hálfleik, staðan þá 51-36. Heimamenn í Berlín héldu gestunum í hæfilegri fjarlægð framan af síðari hálfleik en í fjórða leikhluta bitu gestirnir loks frá sér.

Þrátt fyrir það tókst heimamönnum að landa níu stiga sigri, lokatölur 89-80. Martin átti fínan leik í liði Alba Berlín, hann skoraði 7 stig, gaf 5 stoðsendingar og tók 3 fráköst.

Alba Berlín hefur nú unnið 5 af 23 leikjum sínum í EuroLeague en er sem fyrr í næstneðsta sæti deildarinnar.