Snjóar norðan­til og hvessir all­hressi­lega

Í hugleiðingum veðurfræðings segir að það verði minnkandi úrkoma seinnipartinn á Norðausturlandi og einnig norðvestantil í kvöld. Annars staðar verða él á stangli.

„Í gildi eru gular veðuviðvarniar fyrir Vestfirði, Strandir og Norðurland vestra frá hádegi og fram á nótt.

Norðanáttin heldur síðan velli á morgun, föstudag, hægari þó með éljum víða um land, einkum um landið norðan- og austanvert.“

Veðurhorfur á landinu næstu daga

Á föstudag: Norðan og norðaustan 8-15 m/s og él, en bjartviðri um landið sunnanvert. Hiti kringum frostmark, en fer kólnandi um kvöldið.

Á laugardag: Norðan 5-10 m/s, en hvassari norðvestanátt austast. Dálítil él á Norður- og Austurlandi og allra syðst, en annars léttskýjað. Frost 1 til 12 stig, kaldast inn til landsins.

Á sunnudag: Suðvestlæg átt, talsvert frost og þykknar smám saman upp, dálítil snjókoma eða slydda og jafnvel rigning vestanlands um kvöldið og hlýnar þar.

Á mánudag: Suðlæg átt með rigningu og mildu veðri, en úrkomulíitð norðaustantil.

Á þriðjudag: Snýst í norðlæga átt með snjókomu eða éljum fyrir norðan og ört kólnandi veður.

Á miðvikudag: Útlit fyrir austlæga eða breytilega átt, víða þurrt og kalt í veðri.