Lúxus kemur líka í litlum pökkum

LBX er minnsti meðlimur Lexusfjölskyldunnar, en gefur þeim stærri ekkert eftir í lúxus og þægindum. Hann hefur þegar sannað ágæti sitt með því að vera valinn bíll ársins 2024 af breska bílatímaritinu What Car?

„Þetta er alveg nýr bíll frá Lexus, sérstaklega hannaður fyrir evrópskan markað. LBX er svar Lexus við kalli fólks eftir minni bílum en það hefur vantað lítinn bíl inn í Lexus línuna. Þessi er frábær sem annar bíll á heimili eða þegar fólk er að leita að nettum og liprum bíl,“ segir Páll Þorsteinsson, upplýsingafulltrúi Lexus á Íslandi.

LBX kemur í 7 útfærslum og skemmtilegum lita- og búnaðarsamsetningum og geta viðskiptavinir gert bílinn að sínum með því að setja hann saman eftir eigin óskum þegar kemur að innréttingum, búnaði, litum og fleiru.

Lexus LBX kostar 6.890.000 krónur og verður sýndur í Kauptúni á morgun, laugardag milli klukkan 12 og 16.