Naglarnir raðist í líkistu ríkisstjórnarinnar Jakob Bjarnar skrifar 20. mars 2024 11:41 Elliði Vignisson segir naglana sallast í líkistu ríkisstjórnarinnar. Landsbankamálið ætlar að reynast erfitt en hvort það mun ríða ríkisstjórninni á slig er önnur saga. Hún virðist tóra til að tóra fremur en nokkuð annað. Aðsend „Þetta er orðið þreytt ástand. Þetta er einhvern veginn eins og Weekend at Bernie´s, þegar þeir drösluðust með lík heila helgi. Ríkisstjórnin er löngu dauð en einhvern veginn skröltir hún áfram,“ dæsir Elliði Vignisson bæjarstjóri í Ölfusi. Hann er að öðru leyti hress og segir hamingjuna eiga heimilisfesti í Flóanum. Elliði er einn þeirra Sjálfstæðismanna sem er orðinn pirraður á ríkisstjórnarsamstarfinu og segir þá Sjálfstæðismenn, sérstaklega frjálshyggjumenn í flokknum, hafa mátt færa gríðarlegar fórnir. Langt seilst að halda lífi í ríkisstjórninni „Og þurft að kyngja meiru en góðu hófi gegnir. En það er enginn annar flokkur sem liggur nær okkar hugmyndakerfi.“ En hvað með Miðflokkinn? „Já, af öðrum flokkum liggja þeir næst Sjálfstæðisflokknum en það er auðvelt að vera með sjálfstætt aðlögunarkerfi verandi tveir í þingflokki. Það er full virðing gagnvart því hversu flókið þetta verkefni er en það dylst engum að Sjálfstæðismönnum víða um land finnst langt seilst eftir því að halda lífi í þessari ríkisstjórn.“ Elliði gerði sér mat úr Landsbankamálinu í nýjum pistli á heimasíðu sinni. Þar segir hann meðal annars: „Í ljós hefur komið komið að ríkisfyrirtækið Landsbankinn tók sig til og keypti eitt stykki Tryggingafélag fyrir 28.600 milljónir í andstöðu við vilja fjármálaráðherra, án upplýsinga til bankasýslunnar (sem fer með 98,2% eignarhlut í bankanum) og í trássi við eigendastefnu. Kaupverðið greiðist með reiðufé, svona eins og þegar maður kaupir sér kók og prins.“ Og Elliði heldur áfram og segir bankastjóranum vera „drull“: „Lilja Björk Einarsdóttir -bankastjóri í ríkisbankanum- var alveg skýr hvað þetta varðar og sagði að það breytti ekki neinu þótt að fulltrúar eigenda -fjármálaráðherra og bankasýslan- væru á móti þessum kaupum. Umorðað þá sagði hún hreint út: „Mér er drullusama hvað fjármálaráðherra, bankasýslan og allt þetta lið vill – við ætlum samt að gera þetta“. Landsbankamálið reynir á þolrif Sjálfstæðismanna Ljóst er að Landsbankamálið reynir á þolrif Sjálfstæðismanna svo um munar en mun þetta verða sú þúfa sem veltir ríkisstjórninni? Lilja Björk rífur bara kjaft? „Hún gerir það nefnilega. Sko, þetta mál einhvern veginn endurspeglar stöðu stjórnmálanna eftir hrun. þegar við héldum einhvern veginn að við gætum keypt okkur frá öllu illu með því að láta embættismenn taka ákvarðanir en ekki kjörna fulltrúa,“ segir Elliði og talar um að við sjáum hina svokölluðu armslengd í einu og öllu. „Ég hef aldrei verið sérstaklega hrifinn af þessu. Fólkið sem kjörið á að axla ábyrgðina og ef það bregst eigum við að kjósa eitthvað annað næst. Við leyfum þeim ekki að taka ábyrgðina, en embættismenn axla enga ábyrgð. Mér finnst þetta mál kristalla vandann sem við bjuggum til á eftirhrunsárunum. Ofan af því þarf að vinda. Það þarf að færa valdið til kjörinna fulltrúa og gera svo ríkar kröfur til þeirra. Þetta embættismannaæði er að verða sér til húðar gengið.“ Verið að gera sjóklárt fyrir kosningar En fellir þetta ríkisstjórnina? Elliði segist ekki viss um að þetta mál muni fella Ríkisstjórnina, það megi vera. „Endalaust raðast naglarnir í kistu þessarar ríkisstjórnar en ég er ekki viss. Því hefur svo oft verið spáð, þó þetta mál hefði fellt flestar aðrar ríkisstjórnir,“ segir Elliði. Honum sýnist sem menn séu að gera sjóklárt fyrir kosningar og ef Katrín Jakobsdóttir forsætisráðherra fari fram í forsetann sé þessu sjálfhætt því samstarfið hefur nærst á sambandi hennar, Bjarna Benediktssonar og Sigurðar Inga Jóhannessonar. Nú bíða menn ákvörðunar Katrínar, hvort fer hún fram í slaginn um Bessastaði eða ekki?Stöð 2/Arnar „Ef Katrín fer ekki í forsetaframboð má vel vera að stjórnin lifi fram á vor. Gefum okkur að hún geri það þá kæmi kannski jákvæðnibylgja á Vinstri græn, þau eiga þá forsetann, og svo lafir þetta.“ Elliði segir að hann haldi ekki með stjórnmálaflokkum eins og íþróttafélögum. En sem stendur er ekki eins og annar flokkur standi sér til boða en Sjálfstæðisflokkurinn. En það sé eins og það sé orðið sjálfstætt markmið út af fyrir sig að lafa. Ríkisstjórn Katrínar Jakobsdóttur Sjálfstæðisflokkurinn Vinstri græn Framsóknarflokkurinn Forsetakosningar 2024 Kaup Landsbankans á TM Mest lesið Stóra tjaldið fellt og hætt við brennuna vegna óveðurs Innlent „Það var töluvert verra veður en spáin sagði“ Innlent Klíndu límmiðum á Ormsson sem versla ekki einu sinni við Rapyd Innlent „Manneskja sem er komin á þetta plan hlýtur að vera rökþrota“ Innlent „Fordæmalaus hitabylgja“ leikur Skandínava grátt Erlent Læti í miðbænum og í veðrinu Innlent Þjóðhátíðargestum hleypt inn í Herjólfshöll meðan veðrið gengur yfir Innlent Breyti engu á jörðu niðri að viðurkenna sjálfstæði Palestínu Erlent Hávaðarok á Snæfellsnesi og Faxaflóa Innlent Fjölskyldufaðir stunginn meðan sonurinn horfði á Innlent Fleiri fréttir Verbúðarstemning á Hjalteyri og nóg af ástarpungum fyrir alla Mannmergð vildi sjá fyrsta konunglega breska gestinn Óveður í Eyjum og verbúðarstemning á Hjalteyri Hnífurinn reyndist grilltangir „Það var töluvert verra veður en spáin sagði“ Hávaðarok á Snæfellsnesi og Faxaflóa Læti í miðbænum og í veðrinu Stóra tjaldið fellt og hætt við brennuna vegna óveðurs Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Sjá meira
Elliði er einn þeirra Sjálfstæðismanna sem er orðinn pirraður á ríkisstjórnarsamstarfinu og segir þá Sjálfstæðismenn, sérstaklega frjálshyggjumenn í flokknum, hafa mátt færa gríðarlegar fórnir. Langt seilst að halda lífi í ríkisstjórninni „Og þurft að kyngja meiru en góðu hófi gegnir. En það er enginn annar flokkur sem liggur nær okkar hugmyndakerfi.“ En hvað með Miðflokkinn? „Já, af öðrum flokkum liggja þeir næst Sjálfstæðisflokknum en það er auðvelt að vera með sjálfstætt aðlögunarkerfi verandi tveir í þingflokki. Það er full virðing gagnvart því hversu flókið þetta verkefni er en það dylst engum að Sjálfstæðismönnum víða um land finnst langt seilst eftir því að halda lífi í þessari ríkisstjórn.“ Elliði gerði sér mat úr Landsbankamálinu í nýjum pistli á heimasíðu sinni. Þar segir hann meðal annars: „Í ljós hefur komið komið að ríkisfyrirtækið Landsbankinn tók sig til og keypti eitt stykki Tryggingafélag fyrir 28.600 milljónir í andstöðu við vilja fjármálaráðherra, án upplýsinga til bankasýslunnar (sem fer með 98,2% eignarhlut í bankanum) og í trássi við eigendastefnu. Kaupverðið greiðist með reiðufé, svona eins og þegar maður kaupir sér kók og prins.“ Og Elliði heldur áfram og segir bankastjóranum vera „drull“: „Lilja Björk Einarsdóttir -bankastjóri í ríkisbankanum- var alveg skýr hvað þetta varðar og sagði að það breytti ekki neinu þótt að fulltrúar eigenda -fjármálaráðherra og bankasýslan- væru á móti þessum kaupum. Umorðað þá sagði hún hreint út: „Mér er drullusama hvað fjármálaráðherra, bankasýslan og allt þetta lið vill – við ætlum samt að gera þetta“. Landsbankamálið reynir á þolrif Sjálfstæðismanna Ljóst er að Landsbankamálið reynir á þolrif Sjálfstæðismanna svo um munar en mun þetta verða sú þúfa sem veltir ríkisstjórninni? Lilja Björk rífur bara kjaft? „Hún gerir það nefnilega. Sko, þetta mál einhvern veginn endurspeglar stöðu stjórnmálanna eftir hrun. þegar við héldum einhvern veginn að við gætum keypt okkur frá öllu illu með því að láta embættismenn taka ákvarðanir en ekki kjörna fulltrúa,“ segir Elliði og talar um að við sjáum hina svokölluðu armslengd í einu og öllu. „Ég hef aldrei verið sérstaklega hrifinn af þessu. Fólkið sem kjörið á að axla ábyrgðina og ef það bregst eigum við að kjósa eitthvað annað næst. Við leyfum þeim ekki að taka ábyrgðina, en embættismenn axla enga ábyrgð. Mér finnst þetta mál kristalla vandann sem við bjuggum til á eftirhrunsárunum. Ofan af því þarf að vinda. Það þarf að færa valdið til kjörinna fulltrúa og gera svo ríkar kröfur til þeirra. Þetta embættismannaæði er að verða sér til húðar gengið.“ Verið að gera sjóklárt fyrir kosningar En fellir þetta ríkisstjórnina? Elliði segist ekki viss um að þetta mál muni fella Ríkisstjórnina, það megi vera. „Endalaust raðast naglarnir í kistu þessarar ríkisstjórnar en ég er ekki viss. Því hefur svo oft verið spáð, þó þetta mál hefði fellt flestar aðrar ríkisstjórnir,“ segir Elliði. Honum sýnist sem menn séu að gera sjóklárt fyrir kosningar og ef Katrín Jakobsdóttir forsætisráðherra fari fram í forsetann sé þessu sjálfhætt því samstarfið hefur nærst á sambandi hennar, Bjarna Benediktssonar og Sigurðar Inga Jóhannessonar. Nú bíða menn ákvörðunar Katrínar, hvort fer hún fram í slaginn um Bessastaði eða ekki?Stöð 2/Arnar „Ef Katrín fer ekki í forsetaframboð má vel vera að stjórnin lifi fram á vor. Gefum okkur að hún geri það þá kæmi kannski jákvæðnibylgja á Vinstri græn, þau eiga þá forsetann, og svo lafir þetta.“ Elliði segir að hann haldi ekki með stjórnmálaflokkum eins og íþróttafélögum. En sem stendur er ekki eins og annar flokkur standi sér til boða en Sjálfstæðisflokkurinn. En það sé eins og það sé orðið sjálfstætt markmið út af fyrir sig að lafa.
Ríkisstjórn Katrínar Jakobsdóttur Sjálfstæðisflokkurinn Vinstri græn Framsóknarflokkurinn Forsetakosningar 2024 Kaup Landsbankans á TM Mest lesið Stóra tjaldið fellt og hætt við brennuna vegna óveðurs Innlent „Það var töluvert verra veður en spáin sagði“ Innlent Klíndu límmiðum á Ormsson sem versla ekki einu sinni við Rapyd Innlent „Manneskja sem er komin á þetta plan hlýtur að vera rökþrota“ Innlent „Fordæmalaus hitabylgja“ leikur Skandínava grátt Erlent Læti í miðbænum og í veðrinu Innlent Þjóðhátíðargestum hleypt inn í Herjólfshöll meðan veðrið gengur yfir Innlent Breyti engu á jörðu niðri að viðurkenna sjálfstæði Palestínu Erlent Hávaðarok á Snæfellsnesi og Faxaflóa Innlent Fjölskyldufaðir stunginn meðan sonurinn horfði á Innlent Fleiri fréttir Verbúðarstemning á Hjalteyri og nóg af ástarpungum fyrir alla Mannmergð vildi sjá fyrsta konunglega breska gestinn Óveður í Eyjum og verbúðarstemning á Hjalteyri Hnífurinn reyndist grilltangir „Það var töluvert verra veður en spáin sagði“ Hávaðarok á Snæfellsnesi og Faxaflóa Læti í miðbænum og í veðrinu Stóra tjaldið fellt og hætt við brennuna vegna óveðurs Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Sjá meira