Sjáðu markaveisluna og magnaða endur­komu Framara á móti FH

Það stefndi þó ekki í það að Framarar færu með eitthvað með sér heim í Úlfarsárdalinn.

FH liðið hafði mikla yfirburði í fyrri hálfleiknum og komst líka 3-0 yfir í leiknum.

Úlfur Ágúst Björnsson og Vuk Oskar Dimitrijevic skoruðu fyrir FH í fyrri hálfleik og Sigurður Bjartur Hallsson bætti síðan þriðja markinu við á 59. mínútu.

Alex Freyr Elísson minnkaði muninn á 63. mínútu og FH-ingurinn Böðvar Böðvarsson fékk sitt annað gula spjald á 79. mínútu.

Haraldur Einar Ásgrímsson skoraði beint úr aukaspyrnunni sem var dæmd á Böðvar.

Kyle McLagan jafnaði síðan metin á 86. mínútu eftir stoðsendingu frá Haraldi.

Haraldur var áður leikmaður FH en kom til Fram í byrjun sumars.

Hér fyrir neðan má sjá öll þessi sex mörk úr leiknum í gær.