Frumsýning á Vísi: Nýdönsk á slóðum Peter Gabriel og fleiri goðsagna Oddur Ævar Gunnarsson skrifar 1. ágúst 2024 12:04 Daníel Ágúst sómar sér vel í stúdíóinu. Hljómsveitin Nýdönsk hefur sent frá sér nýtt myndband við lagið Fullkomið farartæki. Myndbandið var tekið upp í hinu sögufræga hljóðveri Real World sem stofnað var af tónlistarmanninum goðsagnarkennda Peter Gabriel á níunda áratugnum, en þar dvaldi hljómsveitin við upptökur á nýrri hljómplötu sem væntanleg er á næstu mánuðum. „Okkur langaði að fanga þann einstaka anda sem þarna sveif yfir vötnum og kappkosta að koma honum til skila fyrir aðdáendur sveitarinnar,“ segir Stefán Hjörleifsson gítarleikari en hljómsveitin hefur einnig verið dugleg að birta myndir úr hljóðverinu og nærumhverfi þess á samfélagsmiðlum. Horfa má á tónlistarmyndbandið hér fyrir neðan. Klippa: Nýdönsk - Fullkomið farartæki Himinlifandi með aðstæðurnar „Það var alveg einstök upplifun að stíga inn í þessa veröld Peter Gabriel og vinna með hans fólki við tónlistarsköpun með þeirri upptökutækni sem hljóðverið býður upp og hentar okkur einstaklega vel,“ bætir Stefán við. „Hljóðverið var hannað með það fyrir augum að byggja frá grunni skapandi rými fyrir listamenn frá öllum heimshornum til að koma saman og búa til tónlist,“ segir Stefán. Peter Gabriel hafi einmitt látið hafa eftir sér að honum hafi oft fundist hefðbundin hljóðver dauðhreinsuð og skorta það andrúmsloft sem geti eflt listrænan frumleika. Eins og sjá má í myndbandinu þá er um einstakt rými að ræða þar sem hljómsveitin getur tekið upp lifandi flutning sem að sögn hentar Nýdönsk ákaflega vel. Hljóðverið skartar einstökum tækjakosti og hljóðfærum sem sum hver hafa verið notuð af þekktustu listamönnum heims í gegnum tíðina og þannig hefur hljóðverið átt sinn þátt í að skapa tónlistarsöguna. Meðal listamanna sem unnið hafa í Real World eru Tom Jones, Beyoncé, Harry Styles og íslensku listamennirnir Björk og Sigurrós. Það var Simon Whitehead sem gerði myndbandið, Katie May sá um hljóðvinnslu lagsins, Guðmundur Pétursson spilar á gítar og meðlimir Nýdönsk sjá um annan hljóðfæraleik og söng. Lag og texti er eftir Björn Jörund Friðbjörnsson og Daníel Ágúst Haraldsson. Það er nóg framundan hjá Nýdönsk en í haust heldur hljómsveitin sína árlega tónleika í Eldborgarsal Hörpu þann 21. september og í Hofi Akureyri viku síðar. Miðasala er nú í fullum gangi. Tónlist Mest lesið Lifir lífinu við óbærilegan sársauka Lífið Með stóra drauma og svarta beltið í taekwondo Lífið Fréttatía vikunnar: Landsfundur, körfubolti og geimferðir Lífið Dýrmætt að fá að hitta hetjurnar á hinum enda línunnar Lífið Dóri DNA og Magnea greiddu 126 milljónir fyrir einbýli í Skerjafirði Lífið Hafði ekki hugmynd um að einstakt hjól sitt væri týnt Lífið Segir föður sinn hafa verið við hestaheilsu Lífið Úrval Útsýn færir landsmönnum sól og gleði í 70 ár Lífið samstarf Fengu aðstoð frá heimamanni: „Þannig að við séum ekki eins og hauslausar hænur“ Lífið Einföld ráð fyrir glæsilegra heimili Lífið Fleiri fréttir „Frelsi til að gera allt sem þig langar til“ Þessi eru tilnefnd til Íslensku tónlistarverðlaunanna Bein útsending: Tilnefningar til Íslensku tónlistarverðlaunanna Draumurinn rættist að syngja með Bubba Gekk 20 metra á 35 mínútum í tíu gráðu frosti The Smashing Pumpkins til Íslands Þau fóru áfram í úrslit söngvakeppninnar Sjá meira
„Okkur langaði að fanga þann einstaka anda sem þarna sveif yfir vötnum og kappkosta að koma honum til skila fyrir aðdáendur sveitarinnar,“ segir Stefán Hjörleifsson gítarleikari en hljómsveitin hefur einnig verið dugleg að birta myndir úr hljóðverinu og nærumhverfi þess á samfélagsmiðlum. Horfa má á tónlistarmyndbandið hér fyrir neðan. Klippa: Nýdönsk - Fullkomið farartæki Himinlifandi með aðstæðurnar „Það var alveg einstök upplifun að stíga inn í þessa veröld Peter Gabriel og vinna með hans fólki við tónlistarsköpun með þeirri upptökutækni sem hljóðverið býður upp og hentar okkur einstaklega vel,“ bætir Stefán við. „Hljóðverið var hannað með það fyrir augum að byggja frá grunni skapandi rými fyrir listamenn frá öllum heimshornum til að koma saman og búa til tónlist,“ segir Stefán. Peter Gabriel hafi einmitt látið hafa eftir sér að honum hafi oft fundist hefðbundin hljóðver dauðhreinsuð og skorta það andrúmsloft sem geti eflt listrænan frumleika. Eins og sjá má í myndbandinu þá er um einstakt rými að ræða þar sem hljómsveitin getur tekið upp lifandi flutning sem að sögn hentar Nýdönsk ákaflega vel. Hljóðverið skartar einstökum tækjakosti og hljóðfærum sem sum hver hafa verið notuð af þekktustu listamönnum heims í gegnum tíðina og þannig hefur hljóðverið átt sinn þátt í að skapa tónlistarsöguna. Meðal listamanna sem unnið hafa í Real World eru Tom Jones, Beyoncé, Harry Styles og íslensku listamennirnir Björk og Sigurrós. Það var Simon Whitehead sem gerði myndbandið, Katie May sá um hljóðvinnslu lagsins, Guðmundur Pétursson spilar á gítar og meðlimir Nýdönsk sjá um annan hljóðfæraleik og söng. Lag og texti er eftir Björn Jörund Friðbjörnsson og Daníel Ágúst Haraldsson. Það er nóg framundan hjá Nýdönsk en í haust heldur hljómsveitin sína árlega tónleika í Eldborgarsal Hörpu þann 21. september og í Hofi Akureyri viku síðar. Miðasala er nú í fullum gangi.
Tónlist Mest lesið Lifir lífinu við óbærilegan sársauka Lífið Með stóra drauma og svarta beltið í taekwondo Lífið Fréttatía vikunnar: Landsfundur, körfubolti og geimferðir Lífið Dýrmætt að fá að hitta hetjurnar á hinum enda línunnar Lífið Dóri DNA og Magnea greiddu 126 milljónir fyrir einbýli í Skerjafirði Lífið Hafði ekki hugmynd um að einstakt hjól sitt væri týnt Lífið Segir föður sinn hafa verið við hestaheilsu Lífið Úrval Útsýn færir landsmönnum sól og gleði í 70 ár Lífið samstarf Fengu aðstoð frá heimamanni: „Þannig að við séum ekki eins og hauslausar hænur“ Lífið Einföld ráð fyrir glæsilegra heimili Lífið Fleiri fréttir „Frelsi til að gera allt sem þig langar til“ Þessi eru tilnefnd til Íslensku tónlistarverðlaunanna Bein útsending: Tilnefningar til Íslensku tónlistarverðlaunanna Draumurinn rættist að syngja með Bubba Gekk 20 metra á 35 mínútum í tíu gráðu frosti The Smashing Pumpkins til Íslands Þau fóru áfram í úrslit söngvakeppninnar Sjá meira