Gular við­varanir vegna hvass­viðris og úr­hellis­rigningar

Á vef Veðurstofunnar segir að lægðin valdi einnig talsverðri úrkomu á Norðurlandi og Vestfjörðum, en þá aukist líkur á aurskriðum og vatnavöxtum í ám. Varasamt ferðaveður á þessum slóðum, og eru gular viðvaranir vegna úrhellis og hvassviðris í gildi á norðan- og vestanverðu landinu fram á kvöld.

Gera má ráð fyrir að hiti verði á bilinu fimm til fjórtán stig þar sem verður mildast syðst.

„Í kvöld og í nótt dregur smám saman úr vindi og úrkomu. Norðan kaldi á morgun og víða dálítil væta, en yfirleitt bjart og þurrt sunnanlands,“ segir á vef Veðurstofunnar.

Veðurhorfur á landinu næstu daga

Á laugardag: Norðan og norðvestan 5-13 m/s og víða dálítil rigning eða súld, en bjart með köflum sunnan heiða. Hiti 6 til 15 stig, mildast syðst.

Á sunnudag: Norðlæg eða breytileg átt, 3-10 og dálítil væta á víð og dreif, en rigning á Austurlandi. Yfirleitt léttskýjað syðra. Hiti 4 til 13 stig, hlýjast á Suðurlandi.

Á mánudag og þriðjudag: Hæg breytileg átt og víða bjart með köflum, en skýjað og lítilsháttar væta austantil. Hiti 7 til 14 stig.

Á miðvikudag: Fremur hæg norðaustlæg átt með vætu á Norðausturlandi, en bjartviðri sunnan- og vestanlands. Hiti 8 til 15 stig.

Á fimmtudag: Útlit fyrir austlæga átt og skúrir, en yfirleitt þurrt fyrir norðan. Hlýnar í veðri.