Enski boltinn

Lið Stefáns skoraði úr sex­tán vítum

Ágúst Orri Arnarson skrifar
Stefán Teitur ræðir við dómara leiksins, sem þurfti að halda utan um háa talningu í vítaspyrnukeppninni. 
Stefán Teitur ræðir við dómara leiksins, sem þurfti að halda utan um háa talningu í vítaspyrnukeppninni.  Ian Cook/Getty Images

Fjöldi leikja í þriðju umferð enska deildarbikarsins fór fram í kvöld. Hákon Rafn og félagar í Brentford fóru örugglega áfram en Preston, lið Stefáns Teits Þórðarsonar, þurfti að hafa mikið fyrir hlutunum. 

Stefán Teitur Þórðarsson spilaði 68 mínútur á miðju Preston sem gerði 1-1 jafntefli við Fulham. Preston vann síðan vítaspyrnukeppnina 16-15.

Hákon Rafn Valdimarsson varði mark Brentford í 3-1 sigri á heimavelli gegn Leyton Orient þar sem gestirnir misstu mann af velli. Hákon stóð sig vel í leiknum, varði tvö skot og fékk boltann mikið í lappir.

Úrslit úr öðrum leikjum

Crystal Palace sótti 1-2 útisigur gegn QPR. Eberechi Eze lagði fyrra markið upp á Eddie Nketiah og skoraði svo sjálfur. Sam Field minnkaði muninn í seinni hálfleik en heimamenn komust ekki nær.

Everton og Southampton skildu jöfn, 1-1. Everton komst yfir þökk sé Abdoulaye Doucouré en Taylor Harwood-Bellis jafnaði fyrir gestina í seinni hálfleik. Southampton fór svo með sigur í vítaspyrnukeppninni, 5-6.

Stoke City komst einnig áfram í vítaspyrnukeppni eftir 1-1 jafntefli gegn Fleetwood.

Þá vann Sheffield Wednesday 0-1 á útivelli gegn Blackpool.

Dregið verður í fjórðu umferð enska deildarbikarsins þann 25. september.

Enski boltinn

Mest lesið


Fleiri fréttir

Sjá meira


×

Mest lesið