Víða bjart og fal­legt sunnan- og vestan­til

Á vef Veðurstofunnar kemur fram að það verði bjart og fallegt veður víðast hvar á Suður- og Vesturlandi, en lítilsháttar skúrir eða él um landið norðaustanvert, jafnvel einnig á Ströndum.

Dregur heldur úr vindi í dag, en að öðru leyti áfram svipað veður. Gera má ráð fyrir hita á bilinu eitt til átta stig yfir daginn, mildast sunnantil.

„Á morgun, þriðjudag myndast svo lægðardrag við suðvesturströndina og má því búast við slyddu eða rigningu öðru hvoru á suðvesturhluta landsins seinnipartinn. Á miðvikudag snýst í norðlæga átt með smá éljum á norðurhluta landsins, en birtir til sunnnan Heiða,“ segir á vef Veðurstofunnar.

Veðurhorfur á landinu næstu daga

Á þriðjudag: Gengur í austan og norðaustan 5-13 m/s. Víð dálítil él, en þurrt að mestu á Suðvesturlandi fram eftir degi, en síðan slydda eða rigning með köflum. Hiti 0 til 6 stig yfir daginn.

Á miðvikudag: Norðan 3-10 m/s og lítilsháttar él, en bjart með köflum sunnan heiða. Kólnar í veðri.

Á fimmtudag: Norðan 8-13 m/s og él, en úrkomulaust að mestu sunnanlands. Hiti kringum frostmark.

Á föstudag: Norðvestlæg átt og él norðaustantil, en annars bjart með köflum. Hiti nærri frostmarki.

Á laugardag og sunnudag: Breytileg átt og dálítil él á víð og dreif, en áfram svalt í veðri.