Fótbolti

Beto bjargaði stigi í uppbótartíma

Hjörtur Leó Guðjónsson skrifar
Beto bjargar stigi fyrir Everton.
Beto bjargar stigi fyrir Everton. Chris Brunskill/Fantasista/Getty Images

Varamaðurinn Beto reyndist hetja Everton er hann jafnaði metin fyrir liðið gegn Fulham í uppbótartíma lokaleiks dagsins í ensku úrvalsdeildinni.

Gestirnir í Fulham voru heldur líklegri í leik dagsins og fengu sín færi til að brjóta ísinn. Það tókst loksins á 61. mínútu þegar Alex Iwobi kom boltanum í netið gegn sínu gamla félagi.

Heimamenn í Everton reyndu hvað þeir gátu til að jafna metin á lokamínútunum og það bar loksins árangur á fimmtu mínútu uppbótartíma þegar varamaðurinn Beto skallaði boltann í netið.

Niðurstaðan því 1-1 jafntefli og Everton er nú með níu stig eftir níu leiki í 15. sæti deildarinnar, þremur stigum minna en Fulham sem situr í tíunda sæti.

Enski boltinn

Mest lesið


Fleiri fréttir

Sjá meira


×

Mest lesið