Flaug alla leið frá Ástralíu til að heimsækja Eiðistorg Oddur Ævar Gunnarsson skrifar 23. nóvember 2024 07:04 Tom í húsakynnum Solid Clouds á Eiðistorgi í bol sem lýsir í engu hæfni hans í Starborne né á sviði stjarneðlisfræði. Vísir/Vilhelm Tom er stjarneðlisfræðingur og einn hæfileikaríkasti spilari í heimi í íslenska tölvuleiknum Starborne: Frontier. Tom er búsettur í Adelaide í Ástralíu og flaug alla leiðina til Íslands til þess að heimsækja félaga sína hjá tölvuleikjafyrirtækinu Solid Clouds á Eiðistorgi og hitta aðra spilara leiksins. „Stjörnurnar röðuðu sér þannig upp að þetta gekk upp,“ segir Tom sem settist niður með Vísi ásamt markaðsstjóra Solid Clouds Aroni Ólafssyni sem eyddi síðustu viku í að taka á móti Tom og félögum hans frá Bretlandi og Eistlandi. Þeir eiga það allir sameiginlegt að spila íslenska fjölspilunar- og herkænskuleikinn Starborne: Frontiers. „Mig hefur alltaf langað til þess að koma til Íslands, svo hef ég kynnst mörgum af mínum bestu vinum í leiknum og líka meðal starfsfólks hjá Solid Clouds. Hingað ætluðu sér nokkrir aðrir spilarar að mæta þannig þetta var líka frábært tækifæri til þess að hitta fleiri,“ útskýrir Tom. Þétt samfélag „Starfsfólk Solid Clouds hefur alltaf verið mjög umhugað um samfélagið sem þetta er orðið sem spilar leikinn. Við eigum okkar hóprás á Discord og þar fór ég að tala við fólk og svo fljótlega kynnast því þegar ég fór að spila leikinn á sínum tíma, þetta er virkilega þétt samfélag,“ segir Tom sem eins og áður segir er stjarneðlisfræðingur. Sem slíkur hafði Tom ýmsa punkta fram að færa enda gerist söguheimur Starborne í geimnum. Solid Clouds var stofnað í Reykjavík árið 2013 af Stefáni Gunnarssyni, Stefáni Björnssyni og Sigurði Arnljótssyni. Fyrsti leikur fyrirtækisins hét Sovereign Space en seinni leikur þess Starborne Frontiers kom út í fyrra. Leikurinn gengur út á herkænsku þar sem spilarar setja sig í hlutverk flotaforingja sem safnar og uppfærir flota til að kanna, skipuleggja og sigra Starborne alheiminn sem er fullur af spennu og bardögum. „Ég sat heima hjá mér að spila Civilization þegar ég rakst á auglýsingu fyrir fyrsta leikinn á Youtube. Það var talað um að þetta væri líkt og Civilization í geimnum og þú getur rétt ímyndað þér hvað ég var fljótur að slá til!“ segir Tom hlæjandi. Hann var fljótur að taka ástfóstri við Starborne heiminum þar sem hann kynntist Aroni og félögum hjá Solid Clouds í gegnum Discord og var meðal fyrstu spilara til þess að fá að prufa báða leiki. Aron og Tom er vel til vina eftir heimsókn hins síðarnefnda til Íslands.Vísir/Vilhelm Fékk að ýta uppfærslunni úr vör Tom og félagar hafa haft nóg fyrir stafni í heimsókn sinni hér á landi. Þannig hafa Aron og félagar verið duglegir að fara með þeim út á land, gullna hringinn svo fátt eitt sé nefnt. Að sögn Arons var það mikilvægasta gert fyrsta daginn. „Við vorum löngu búin að tilkynna útgáfudag og þegar kom að deginum beið samfélagið okkar með öndina í hálsinum, fyrirspurnunum rigndi yfir okkur á Discord um það hvers vegna við værum ekki búin að uppfæra leikinn,“ segir Aron hlæjandi. Þá átti einn af erlendum gestum fyrirtækisins eftir að mæta. „Það var allt klárt en við biðum bókstaflega á skrifstofunni eftir síðasta gestinum, náðum í hann út á flugvöll og keyrðum beint á skrifstofuna þar sem við leyfðum þeim félögum að ýta á takkann sem ýtti uppfærslunni úr vör,“ segir Aron. Tom segir það hafa verið það síðasta sem hann hafi búist við að fá að gera. Með uppfærslunni eiga þeir félagar við Imperium viðbótina sem er sú fyrsta í leiknum. Í viðbótinni líta fjögur stór leikkerfi dagsins ljós, leiðtogakerfi, iðnaðarkerfi, kerfi sem kennt er við stríðandi fylkingar og kerfi boðbera. „Ég bjóst náttúrulega alls ekki við því að fá að gera þetta,“ segir Tom. „Þetta var virkilega skemmtilegt og mjög hátíðlegt allt saman, eða eins hátíðlegt og hægt er að ýta á takka,“ segir hann hlæjandi. Hæverskur er bestur Þá berst talið að leiknum sjálfum. Tom segist tala við sirka tíu til tuttugu manns vegna leiksins á degi hverjum en þegar Tom byrjaði að spila voru einungis tólf aðrir spilarar, þegar fyrri Starborne leikurinn var á prufustigi. „En hugarfarið hefur ekkert breyst, það skiptir engu máli hvar þú ert staddur í leiknum, hvernig þú spilar eða hversu mikið þú kannt, samfélagið hefur alltaf snúist um að hjálpa hvort öðru, athuga hvað er hægt að gera, hvernig er hægt að spila leikinn á nýjan hátt og svo framvegis,“ segir Tom. Og þú ert besti spilari í heimi í leiknum? „Tjaaaaaaaaaa, ég er mjög ástríðufullur fyrir leiknum og ég spila hann mjög mikið,“ segir Tom. Hæverskan að fara með hann og Aron grípur orðið. „Hann er besti spilarinn í leiknum. Hann er kominn lengst og hefur afar djúpan skilning á leiknum, stundum dýpri en við. Hann tekur þetta skrefinu lengra og er með allskyns hugmyndir sem hafa aðstoðað okkur mikið í ferlinu við að búa til leikinn. Þetta sést líka á leiðtogatöflum í leiknum.“ Hann hrósar Tom í hástert, sem alltaf hafi gert sitt besta til þess að aðstoða aðra spilara. Þannig hafi skapast ákveðin menning í leiknum þar sem spilarar aðstoða hver aðra, meðal annars þegar fundnar eru nýjar leiðir til að spila ólíkum herskipum saman í leiknum svo eitthvað sé nefnt. En hvar eru þá allir drullusokkarnir í leiknum? „Sko, mér finnst það skemmtilegasta við leikinn að finna nýja hluti til að gera, nýja herkænsku til að beita og þegar ég finn þær þá vil ég ekki gera þetta einn, ég vil annað fólk með mér. Eins og Aron segir, þá er ég á toppnum en ég vil láta ögra mér og ef ég finn eitthvað nýtt þá vil ég sýna öðrum það til að hjálpa þeim og gera samfélagið enn betra. Það er hugarfarið og það er þannig hjá flestum spilurum. Það er auðvelt að gera það sama og aðrir en þegar maður uppgötvar eitthvað nýtt þá er ekkert skemmtilegra en að deila því með öðrum. Tom segist himinlifandi með heimsókn sína til Íslands. Einungis tveir mánuðir eru síðan hann sló til og tilkynntu þeir félagar Solid Clouds einfaldlega að þeir væru á leiðinni, eða svona því sem næst. „Við ákváðum eiginlega bara að skipuleggja okkar eigið FanFest og næstum tilkynntum þeim hjá Solid Clouds að við værum að mæta,“ segir Tom hlæjandi. Aron segir alla hafa verið himinlifandi að fá þá félaga í heimsókn. „Þetta fjörutíu tíma ferðalag hingað var klárlega þess virði,“ segir Tom. Leikjavísir Seltjarnarnes Solid Clouds Ástralía Íslandsvinir Tengdar fréttir Starborne Frontiers nú aðgengilegur í snjalltækjaverslunum Íslenska tölvuleikjafyrirtækið Solid Clouds hefur nú gert nýjasta leik sinn, Starborne Frontiers, aðgengilegan í snjalltækjaverslunum Apple og Google. 17. febrúar 2023 08:48 Mest lesið Hvar er Mollý Tik Tok skinka í dag? Lífið Miðar á Kaleo endurseldir á margföldu verði Lífið Eitt glæsilegasta hrossabú landsins falt fyrir tæpan einn og hálfan milljarð Lífið Elta drauminn um hægara líf eftir fjögur ár á Íslandi Lífið Landsliðsmaður gifti sig í Vík í Mýrdal Lífið „Núna þori ég miklu meira“ Tíska og hönnun Drakk ógeðslega illa og hætti eftir blindafyllerí Lífið Vala Grand og Brynjólfur flytja á Skagann Lífið Upplifa hótel lúxus í tjaldútilegunni Lífið samstarf Sólveig og Halldór gáfu dótturinni nafn Lífið Fleiri fréttir Miðar á Kaleo endurseldir á margföldu verði Hvar er Mollý Tik Tok skinka í dag? Landsliðsmaður gifti sig í Vík í Mýrdal Eitt glæsilegasta hrossabú landsins falt fyrir tæpan einn og hálfan milljarð Elta drauminn um hægara líf eftir fjögur ár á Íslandi Sólveig og Halldór gáfu dótturinni nafn Slær á létta strengi í þinginu og afhenti ráðherra „Gyllta tappann“ Of Monsters and Men gefa út nýtt lag Brady og Bloom sagðir sólgnir í Sweeney Fyrst skíði og nú golf Rétturinn sem fær konurnar niður á hnén „Takk Hreyfill frá Vorsabæ“ Vala Grand og Brynjólfur flytja á Skagann Árin hjá Spotify ævintýri líkust Einar fékk meira hár en Baldur „Öruggt athvarf fyrir hinsegin samfélagið“ Stjörnulífið: Suðræn sæla og seiðandi kroppar Drakk ógeðslega illa og hætti eftir blindafyllerí „Aldrei grátið jafn mikið af gleði“ „Það eru smá blendnar tilfinningar að vera farin“ Travolta klæddi sig óvænt upp sem Danny Zuko Elliot Page frumsýndi nýju kærustuna á Skólavörðustígnum Skordýrabrúðkaup í Laugardalslaug Krakkatían: Leikhópurinn Lotta, fótboltamót og sumarsólstöður Sonur Rögnu og Árna fæddur Einn með fyrsta vinning og vann tæpar 54 milljónir Lilja Sif Pétursdóttir krýnd Miss Supranational Europe og talin myndfríðust Fréttatía vikunnar: Leiðtogafundur, Hollywood-stjarna og umdeilt brúðkaup Stefnir á sigur í stærstu kokkakeppni heims Áslaug selur glæsiíbúð í Reykjavík Sjá meira
„Stjörnurnar röðuðu sér þannig upp að þetta gekk upp,“ segir Tom sem settist niður með Vísi ásamt markaðsstjóra Solid Clouds Aroni Ólafssyni sem eyddi síðustu viku í að taka á móti Tom og félögum hans frá Bretlandi og Eistlandi. Þeir eiga það allir sameiginlegt að spila íslenska fjölspilunar- og herkænskuleikinn Starborne: Frontiers. „Mig hefur alltaf langað til þess að koma til Íslands, svo hef ég kynnst mörgum af mínum bestu vinum í leiknum og líka meðal starfsfólks hjá Solid Clouds. Hingað ætluðu sér nokkrir aðrir spilarar að mæta þannig þetta var líka frábært tækifæri til þess að hitta fleiri,“ útskýrir Tom. Þétt samfélag „Starfsfólk Solid Clouds hefur alltaf verið mjög umhugað um samfélagið sem þetta er orðið sem spilar leikinn. Við eigum okkar hóprás á Discord og þar fór ég að tala við fólk og svo fljótlega kynnast því þegar ég fór að spila leikinn á sínum tíma, þetta er virkilega þétt samfélag,“ segir Tom sem eins og áður segir er stjarneðlisfræðingur. Sem slíkur hafði Tom ýmsa punkta fram að færa enda gerist söguheimur Starborne í geimnum. Solid Clouds var stofnað í Reykjavík árið 2013 af Stefáni Gunnarssyni, Stefáni Björnssyni og Sigurði Arnljótssyni. Fyrsti leikur fyrirtækisins hét Sovereign Space en seinni leikur þess Starborne Frontiers kom út í fyrra. Leikurinn gengur út á herkænsku þar sem spilarar setja sig í hlutverk flotaforingja sem safnar og uppfærir flota til að kanna, skipuleggja og sigra Starborne alheiminn sem er fullur af spennu og bardögum. „Ég sat heima hjá mér að spila Civilization þegar ég rakst á auglýsingu fyrir fyrsta leikinn á Youtube. Það var talað um að þetta væri líkt og Civilization í geimnum og þú getur rétt ímyndað þér hvað ég var fljótur að slá til!“ segir Tom hlæjandi. Hann var fljótur að taka ástfóstri við Starborne heiminum þar sem hann kynntist Aroni og félögum hjá Solid Clouds í gegnum Discord og var meðal fyrstu spilara til þess að fá að prufa báða leiki. Aron og Tom er vel til vina eftir heimsókn hins síðarnefnda til Íslands.Vísir/Vilhelm Fékk að ýta uppfærslunni úr vör Tom og félagar hafa haft nóg fyrir stafni í heimsókn sinni hér á landi. Þannig hafa Aron og félagar verið duglegir að fara með þeim út á land, gullna hringinn svo fátt eitt sé nefnt. Að sögn Arons var það mikilvægasta gert fyrsta daginn. „Við vorum löngu búin að tilkynna útgáfudag og þegar kom að deginum beið samfélagið okkar með öndina í hálsinum, fyrirspurnunum rigndi yfir okkur á Discord um það hvers vegna við værum ekki búin að uppfæra leikinn,“ segir Aron hlæjandi. Þá átti einn af erlendum gestum fyrirtækisins eftir að mæta. „Það var allt klárt en við biðum bókstaflega á skrifstofunni eftir síðasta gestinum, náðum í hann út á flugvöll og keyrðum beint á skrifstofuna þar sem við leyfðum þeim félögum að ýta á takkann sem ýtti uppfærslunni úr vör,“ segir Aron. Tom segir það hafa verið það síðasta sem hann hafi búist við að fá að gera. Með uppfærslunni eiga þeir félagar við Imperium viðbótina sem er sú fyrsta í leiknum. Í viðbótinni líta fjögur stór leikkerfi dagsins ljós, leiðtogakerfi, iðnaðarkerfi, kerfi sem kennt er við stríðandi fylkingar og kerfi boðbera. „Ég bjóst náttúrulega alls ekki við því að fá að gera þetta,“ segir Tom. „Þetta var virkilega skemmtilegt og mjög hátíðlegt allt saman, eða eins hátíðlegt og hægt er að ýta á takka,“ segir hann hlæjandi. Hæverskur er bestur Þá berst talið að leiknum sjálfum. Tom segist tala við sirka tíu til tuttugu manns vegna leiksins á degi hverjum en þegar Tom byrjaði að spila voru einungis tólf aðrir spilarar, þegar fyrri Starborne leikurinn var á prufustigi. „En hugarfarið hefur ekkert breyst, það skiptir engu máli hvar þú ert staddur í leiknum, hvernig þú spilar eða hversu mikið þú kannt, samfélagið hefur alltaf snúist um að hjálpa hvort öðru, athuga hvað er hægt að gera, hvernig er hægt að spila leikinn á nýjan hátt og svo framvegis,“ segir Tom. Og þú ert besti spilari í heimi í leiknum? „Tjaaaaaaaaaa, ég er mjög ástríðufullur fyrir leiknum og ég spila hann mjög mikið,“ segir Tom. Hæverskan að fara með hann og Aron grípur orðið. „Hann er besti spilarinn í leiknum. Hann er kominn lengst og hefur afar djúpan skilning á leiknum, stundum dýpri en við. Hann tekur þetta skrefinu lengra og er með allskyns hugmyndir sem hafa aðstoðað okkur mikið í ferlinu við að búa til leikinn. Þetta sést líka á leiðtogatöflum í leiknum.“ Hann hrósar Tom í hástert, sem alltaf hafi gert sitt besta til þess að aðstoða aðra spilara. Þannig hafi skapast ákveðin menning í leiknum þar sem spilarar aðstoða hver aðra, meðal annars þegar fundnar eru nýjar leiðir til að spila ólíkum herskipum saman í leiknum svo eitthvað sé nefnt. En hvar eru þá allir drullusokkarnir í leiknum? „Sko, mér finnst það skemmtilegasta við leikinn að finna nýja hluti til að gera, nýja herkænsku til að beita og þegar ég finn þær þá vil ég ekki gera þetta einn, ég vil annað fólk með mér. Eins og Aron segir, þá er ég á toppnum en ég vil láta ögra mér og ef ég finn eitthvað nýtt þá vil ég sýna öðrum það til að hjálpa þeim og gera samfélagið enn betra. Það er hugarfarið og það er þannig hjá flestum spilurum. Það er auðvelt að gera það sama og aðrir en þegar maður uppgötvar eitthvað nýtt þá er ekkert skemmtilegra en að deila því með öðrum. Tom segist himinlifandi með heimsókn sína til Íslands. Einungis tveir mánuðir eru síðan hann sló til og tilkynntu þeir félagar Solid Clouds einfaldlega að þeir væru á leiðinni, eða svona því sem næst. „Við ákváðum eiginlega bara að skipuleggja okkar eigið FanFest og næstum tilkynntum þeim hjá Solid Clouds að við værum að mæta,“ segir Tom hlæjandi. Aron segir alla hafa verið himinlifandi að fá þá félaga í heimsókn. „Þetta fjörutíu tíma ferðalag hingað var klárlega þess virði,“ segir Tom.
Leikjavísir Seltjarnarnes Solid Clouds Ástralía Íslandsvinir Tengdar fréttir Starborne Frontiers nú aðgengilegur í snjalltækjaverslunum Íslenska tölvuleikjafyrirtækið Solid Clouds hefur nú gert nýjasta leik sinn, Starborne Frontiers, aðgengilegan í snjalltækjaverslunum Apple og Google. 17. febrúar 2023 08:48 Mest lesið Hvar er Mollý Tik Tok skinka í dag? Lífið Miðar á Kaleo endurseldir á margföldu verði Lífið Eitt glæsilegasta hrossabú landsins falt fyrir tæpan einn og hálfan milljarð Lífið Elta drauminn um hægara líf eftir fjögur ár á Íslandi Lífið Landsliðsmaður gifti sig í Vík í Mýrdal Lífið „Núna þori ég miklu meira“ Tíska og hönnun Drakk ógeðslega illa og hætti eftir blindafyllerí Lífið Vala Grand og Brynjólfur flytja á Skagann Lífið Upplifa hótel lúxus í tjaldútilegunni Lífið samstarf Sólveig og Halldór gáfu dótturinni nafn Lífið Fleiri fréttir Miðar á Kaleo endurseldir á margföldu verði Hvar er Mollý Tik Tok skinka í dag? Landsliðsmaður gifti sig í Vík í Mýrdal Eitt glæsilegasta hrossabú landsins falt fyrir tæpan einn og hálfan milljarð Elta drauminn um hægara líf eftir fjögur ár á Íslandi Sólveig og Halldór gáfu dótturinni nafn Slær á létta strengi í þinginu og afhenti ráðherra „Gyllta tappann“ Of Monsters and Men gefa út nýtt lag Brady og Bloom sagðir sólgnir í Sweeney Fyrst skíði og nú golf Rétturinn sem fær konurnar niður á hnén „Takk Hreyfill frá Vorsabæ“ Vala Grand og Brynjólfur flytja á Skagann Árin hjá Spotify ævintýri líkust Einar fékk meira hár en Baldur „Öruggt athvarf fyrir hinsegin samfélagið“ Stjörnulífið: Suðræn sæla og seiðandi kroppar Drakk ógeðslega illa og hætti eftir blindafyllerí „Aldrei grátið jafn mikið af gleði“ „Það eru smá blendnar tilfinningar að vera farin“ Travolta klæddi sig óvænt upp sem Danny Zuko Elliot Page frumsýndi nýju kærustuna á Skólavörðustígnum Skordýrabrúðkaup í Laugardalslaug Krakkatían: Leikhópurinn Lotta, fótboltamót og sumarsólstöður Sonur Rögnu og Árna fæddur Einn með fyrsta vinning og vann tæpar 54 milljónir Lilja Sif Pétursdóttir krýnd Miss Supranational Europe og talin myndfríðust Fréttatía vikunnar: Leiðtogafundur, Hollywood-stjarna og umdeilt brúðkaup Stefnir á sigur í stærstu kokkakeppni heims Áslaug selur glæsiíbúð í Reykjavík Sjá meira
Starborne Frontiers nú aðgengilegur í snjalltækjaverslunum Íslenska tölvuleikjafyrirtækið Solid Clouds hefur nú gert nýjasta leik sinn, Starborne Frontiers, aðgengilegan í snjalltækjaverslunum Apple og Google. 17. febrúar 2023 08:48