Handbolti

Lokað á út­sendingu frá general­prufu Ís­lands

Sindri Sverrisson skrifar
Steinunn Björnsdóttir fer yfir málin í leikhléi í leik gegn Pólverjum á dögunum.
Steinunn Björnsdóttir fer yfir málin í leikhléi í leik gegn Pólverjum á dögunum. vísir/Viktor Freyr

Íslenska kvennalandsliðið í handbolta mætir Sviss í öðrum vináttulandsleik á þremur dögum, í Sviss í dag, en þetta er síðasti leikur Íslands fyrir EM sem hefst í vikunni.

Ísland mætir Hollandi í fyrsta leik á EM á föstudaginn. Liðið tapaði afar naumlega gegn Sviss á föstudaginn og nú fæst tækifæri til að hefna fyrir tapið.

Handknattleikssamband Íslands ætlaði að vera með beina vefútsendingu frá leiknum, í gegnum YouTube.

Skömmu fyrir leik kom hins vegar í ljós að ekkert yrði af útsendingunni, þar sem Svisslendingar komu í veg fyrir það.

Líkt og hjá Íslandi er um síðasta leik Sviss að ræða fyrir Evrópumótið, sem fram fer í Sviss, Austurríki og Ungverjalandi, og ljóst að Svisslendingar vilja ekki sýna of mikið á spilin fyrir mótið. Þeir mæta Færeyjum í fyrsta leik, í Basel á föstudaginn, á sama tíma og Ísland mætir Hollandi.

Leikurinn í dag er því hvergi sýndur.

Landslið kvenna í handbolta

Mest lesið


Fleiri fréttir

Sjá meira


×

Mest lesið