Innlent

Til­nefningum til manns ársins rignir inn

Kolbeinn Tumi Daðason skrifar
Fannar Jónasson, bæjarstjóri Grindavíkur, var maður ársins að mati lesenda Vísis og hlustenda Reykjavík Síðdegis í fyrra.
Fannar Jónasson, bæjarstjóri Grindavíkur, var maður ársins að mati lesenda Vísis og hlustenda Reykjavík Síðdegis í fyrra. Bylgjan

Lesendum Vísis og hlustendum Bylgjunnar gefst færi á að útnefna mann ársins 2024 nú um áramótin. Rúmlega þrjú þúsund tilnefningar hafa borist síðan opnað var fyrir tilnefningar á mánudag.

Tekið er við tilnefningum hér á Vísi en frestur til að tilnefna rennur út föstudaginn 13. desember klukkan 12:00.

Ritstjórn Vísis og Reykjavík síðdegis fara sameiginlega yfir innsendar tilnefningar og í kjölfarið hefst atkvæðagreiðsla. Manneskjan sem verður fyrir valinu verða heiðruð í árlegum áramótaþætti Reykjavík árdegis á gamlársdag.

Í tilnefningunni þarf nafn viðkomandi að koma fram auk upplýsinga um hvers vegna viðkomandi á skilið að vera útnefndur sem maður ársins 2024.

Farið verður yfir tilnefningar með tilliti til rökstuðnings og fjölda tilnefninga sem hver og einn fær.

Atkvæðagreiðsla fer svo fram á Vísi yfir jólin.

Fannar Jónasson bæjarstjóri í Grindavík var valinn maður ársins í fyrra. Hátt í 30 þúsund atkvæði bárust í kosningunni. 

Ritstjórn Vísis mun nú fara yfir tilnefningarnar og kosning hefst um jólin.

Að neðan má sjá þá sem hafa hlotið titilinn síðustu fimmtán ár.

2009 Edda Heiðrún Backman

2010 Þórður Guðnason

2011 Mugison

2012 Eiríkur Ingi Jóhannsson

2013 Heilbrigðisstarfsmaðurinn

2014 Tómas Guðbjartsson

2015 Þröstur Leó Gunnarsson

2016 Karlalandsliðið í knattspyrnu

2017 Grímur Grímsson

2018 Bára Halldórsdóttir

2019 Björgunarsveitarmaðurinn

2020 Heilbrigðisstarfsmaðurinn

2021 Guðmundur Felix Grétarsson

2022 Haraldur Ingi Þorleifsson

2023 Fannar Jónasson

Fréttir ársins 2024 Bylgjan Reykjavík síðdegis

Tengdar fréttir

Þau eru tilnefnd sem maður ársins 2023

Vísir og Reykjavík síðdegis standa fyrir vali á manni ársins 2023 og geta lesendur nú tekið þátt í að velja þá manneskju sem þeim þykir eiga nafnbótina skilið. 

Mest lesið


Fleiri fréttir

Sjá meira


×

Mest lesið