Alls­konar trix til að spara mikla fjár­muni

En Dagbjört Jónsdóttir fann að hún var búin að læra ýmis trix til þess að setja sér fjárhagsleg markmið sem skiluðu sér svo í meiri lífsgæðum.

Í framhaldi af því skrifaði hún bókina Fundið fé, njóttu ferðalagsins, þar sem settar eru upp leiðir fyrir hvern mánuð til þess að skrá og skoða og síðan plana útgjöld og sparnað heimilisins og það er gert þannig að það sé bæði auðvelt og skemmtilegt og jafnvel fyrir alla fjölskylduna að gera saman.

Vala Matt ræddi við Dagbjörtu í Íslandi í dag á Stöð 2 í síðustu viku.

Skrifaði allt niður

„Ég var ekkert rosalega mikið meðvituð um það í hvað mínir peningar fóru en svo fór ég í nám og þá þarf aldeilis að hugsa um hverja krónu og breyta hugarfarinu,“ segir Dagbjört en eftir að hún kláraði námið og fór á vinnumarkaðinn fann henni hvað það var góð tilfinning að halda vel utan um fjármálið og því ákvað hún að halda því áfram.

„Ég fór að skrifa niður í hvaða peningarnir voru að fara og fékk þá betri yfirsýn. Viku fyrir viku skráði ég niður öll innkaup og öll útgjöld og settist síðan niður í lok hverrar viku og hugsaði með mér hvort þetta væri eyðsla sem endurspeglaði mín fjárhagslegu markmið og væri í takt við það sem ég væri að reyna stefna að,“ segir Dagbjört sem sá þarna hvar hún gæti dregið saman.

Hér að neðan má sjá innslagið í heild sinni þar sem hún fer yfir allskonar brögð til að spara.