Innlent

Macron vinsamlegur en ákveðinn á fundi með Trump

Hólmfríður Gísladóttir skrifar 25. febrúar 2025 06:59

Það fór vel á með forsetunum, þrátt fyrir að þeir nálguðust málið á ólíkan hátt. — Það fór vel á með forsetunum, þrátt fyrir að þeir nálguðust málið á ólíkan hátt. Getty/Chip Somodevilla

Ólík afstaða stjórnvalda í Evrópu annars vegar og Bandaríkjunum hins vegar kom bersýnilega í ljós þegar Donald Trump Bandaríkjaforseti tók á móti Emmanuel Macron Frakklandsforseta í Hvíta húsinu í gær.

Trump neitaði að nota orðið „einræðisherra“ um Vladimir Pútín Rússlandsforseta, líkt og hann hefur gert um Vólódímír Selenskí, forseta Úkraínu, á blaðamannafundi og gaf þá útskýringu að hann vildi ekki nota orðið í hálfkæringi.

Trump hefur gert því skóna að Úkraínumenn hafi mátt sjálfum sér um kenna hvernig komið er fyrir þeim en Macron var mjög afdráttarlaus þegar hann sagði Rússa árásaraðilann. Þá leiðrétti hann Trump vinsamlega þegar Trump fullyrti að Evrópa fengi fjárhagsaðstoð sína til Úkraínu endurgreidda.

„Nei, í fullri hreinskilni, þá borguðum við,“ sagði Macron vinsamlega. Það sama ætti við um Evrópu eins og Bandaríkin; aðstoðin hefði verið blanda af styrkjum, lánum og lánatryggingum. „Ef þú heldur það þá er það allt í lagi,“ svaraði Trump brosandi.

Samskipti Trump og Macron virtust vinaleg og þeir tókust ítrekað í hendur og töluðu innilega hvor um annan. Báðir sögðu í gær mögulegt að vopnahlé gæti komist á á næstu vikum og þá fullyrti Trump að Pútín hefði samþykkt viðveru evrópskra friðargæsluliða í Úkraínu.

Trump virðist hins vegar enn ákveðinn í því að ná fram hagfelldum samningum við Úkraínu samhliða friðarviðræðunum og sagði samkomulag innan seilingar um náttúruauðlindir til handa Bandaríkjunum.

Macron ítrekaði að friður mætti ekki kosta Úkraínu uppgjöf eða sjálfræði. Þá væri ekki hægt að koma á vopnahléi nema með öryggistryggingum. Forsetinn sagði mikilvægt að semja um frið en á sama tíma þyrfti samkomulagið að vera skothelt.

Keir Starmer, forsætisráðherra Bretlands, er væntanlegur til Washington á fimmtudag.

Bandaríkin Úkraína Frakkland Innrás Rússa í Úkraínu Rússland Donald Trump Hernaður

Mest lesið

Lenti utan vegar vestan við Grundarfjörð

Innlent

Beltunum að þakka að bræðurnir séu enn á lífi

Innlent

Hvaða oddviti er duglegastur að mæta?

Innlent

Ekkert „en“ á eftir því að beita maka sinn ofbeldi

Innlent

„Nú ætla menn að kollvarpa þessu kerfi, fyrir hvað?“

Innlent

Verði að tryggja að á íslensku megi alltaf finna svar

Innlent

Lögreglumenn náðu stjörnuhrapi á eftirlitsmyndavél

Innlent

Sonur Beckham sviptur ökuréttindum

Erlent

Dröfn og Samtökin ’78 verðlaunuð á degi íslenskrar tungu

Innlent

Segist hafa fengið fjölda hótana eftir að Trump hætti að styðja hana

Erlent

Fleiri fréttir

Börn sækist í bækur á ensku

Minntust þeirra sem hafa látist í umferðinni

70 ára afmæli Tónlistarskóla Árnesinga fagnað

Bílbelti bjarga mannslífum og stafrænt kynferðisofbeldi færist í aukana

Lenti utan vegar vestan við Grundarfjörð

Verði að tryggja að á íslensku megi alltaf finna svar

Dröfn og Samtökin ’78 verðlaunuð á degi íslenskrar tungu

„Unga fólkið okkar er umkringt efni á ensku“

Beltunum að þakka að bræðurnir séu enn á lífi

Keldnakirkja á Keldum er 150 ára

Telur bílbeltið hafa bjargað lífi sínu

Hvaða oddviti er duglegastur að mæta?

Yfir helmingur þeirra sem lést í bílslysi innanbæjar beltislaus

Telja íslenskuna geta horfið með einni kynslóð

Evrópumál, lánakjör og baráttan fyrir íslenskri tungu í stafrænum heimi

Lögregla leysti upp unglingapartý í Árbæ

Ekkert „en“ á eftir því að beita maka sinn ofbeldi

Lögreglumenn náðu stjörnuhrapi á eftirlitsmyndavél

Ræðst í úttekt á bókamarkaðnum

„Nú ætla menn að kollvarpa þessu kerfi, fyrir hvað?“

Flugvél lenti í Keflavík vegna bilunar

Glæsilegir forystuhrútar á Syðra – Velli í Flóa

Áköf undirskriftakeppni hafin vegna jarðganga

Tryggja þurfi að ráðamenn hlaupi ekki í störf hjá ESB

Vara við mögulegri glerhálku í kvöld

„Kerfinu kollvarpað“, jólabókaflóð og forystusauðir

Höfðu eftirlit með fangageymslu lögreglu

Sakar kaupendur um að hafa aldrei greitt fyrir veitingastaðina

Missir úr skóla og tekur ekki þátt í félagslífi eftir að vökvagjöf var hætt

Óttast áhrifin sem frumvarpið geti haft á Landspítalann

Sjá meira

Mest lesið

Lenti utan vegar vestan við Grundarfjörð

Innlent

Beltunum að þakka að bræðurnir séu enn á lífi

Innlent

Hvaða oddviti er duglegastur að mæta?

Innlent

Ekkert „en“ á eftir því að beita maka sinn ofbeldi

Innlent

„Nú ætla menn að kollvarpa þessu kerfi, fyrir hvað?“

Innlent

Verði að tryggja að á íslensku megi alltaf finna svar

Innlent

Lögreglumenn náðu stjörnuhrapi á eftirlitsmyndavél

Innlent

Sonur Beckham sviptur ökuréttindum

Erlent

Dröfn og Samtökin ’78 verðlaunuð á degi íslenskrar tungu

Innlent

Segist hafa fengið fjölda hótana eftir að Trump hætti að styðja hana

Erlent