Danskur fótboltamaður skiptir um lands­lið

Gartenmann er 28 ára gamall og er þessa dagana að spila mjög vel fyrir ungverska félagið Ferencvaros. Danska ríkisútvarpið segir frá.

Gartenmann er fæddur og alinn upp í Hróarskeldu í Danmörku og hefur spilað fyrir unglingalandslið Danmörku.

Hann gat líka spilað fyrir Alpaþjóðina og var í dag valinn í svissneska landsliðshópinn fyrir leiki á móti Norður-Írlandi og Lúxemborg. FIFA hefur samþykkt breytinguna. Landsliðsþjálfarinn Murat Yakin vill nota hann í svissneska landsliðinu.

Daninn fór frá FC Roskilde til hollenska liðsins Heerenveen sem ungur leikmaður en hann hóf meistaraflokksferil sinn með danska liðinu Sönderjyske.

Hann lék með Sönderjyske í fimm ár en fór til FC Midtjylland árið 2022. Hann var lánaður þaðan til Aberdeen en var svo seldur til ungverska liðsins Ferencvaros í ágúst síðastliðnum.

Gartenmann hefur nú unnið sér sæti í svissneska landsliðinu sem er númer tuttugu á styrkleikalista FIFA en þess má geta að Danir eru í næsta sæti á eftir. Hann er því að fara í betra landslið samkvæmt mati Alþjóða knattspyrnusambandsins.