Í hugleiðingum veðurfræðings segir að síðdegis nálgist skil úr vestri og það bætir í vind. Hiti verður á bilinu fimm til tíu stig.
Í kvöld má búast við suðaustan strekkingi með rigningu á Suður- og Vesturlandi.
„Á morgun verða skilin áfram yfir landinu, en þokast þó smám saman til vesturs. Búast má við sunnan strekkingi og rigningu, en lítil eða engin úrkoma í norðausturfjórðungi landsins. Hlýtt miðað við árstíma, hiti á bilinu 5 til 10 stig. Síðdegis á morgun verða skilin farin yfir á vestanverðu landinu og þá dregur úr vindi þar og kólnar með dálitlum skúrum eða éljum,“ segir í tilkynningu.
Veðurhorfur á landinu næstu daga
Á fimmtudag: Sunnan 8-15 m/s og rigning, en úrkomulítið norðaustanlands. Hiti 5 til 10 stig. Hægari suðvestanátt á vestanverðu landinu síðdegis með skúrum eða éljum og kólnar.
Á föstudag: Suðlæg átt 3-10 og dálítil él, en þurrt á Norður- og Austurlandi. Hiti 0 til 5 stig.
Á laugardag: Norðlæg átt 3-10 og dálítil él á norðanverðu landinu fram að hádegi, annars víða þurrt og bjart veður. Frost 0 til 5 stig, en frostlaust sunnanlands yfir daginn.
Á sunnudag: Suðlæg eða breytileg átt 3-8. Súld eða rigning sunnanlands og hiti 1 til 6 stig. Dálítil slydda eða snjókoma norðantil með hita kringum frostmark.
Á mánudag og þriðjudag: Breytileg átt og úrkoma með köflum í flestum landshlutum. Hiti kringum frostmark, en allt að 6 stiga hiti sunnan- og suðvestanlands.
