Íslenski boltinn

Reynslumikill Svíi skrifar undir í Úlfarsárdalnum

Ágúst Orri Arnarson skrifar
Simon Tibbling mun styrkja miðsvæði Fram í sumar.
Simon Tibbling mun styrkja miðsvæði Fram í sumar. sarpsborg 08

Þrítugi miðjumaðurinn Simon Hjalmar Friedel Tibbling hefur skrifað undir samning við Fram og mun leika með liðinu í Bestu deild karla á komandi tímabili. Svíinn hefur verið með liðinu í æfingaferð á Spáni síðustu daga og skrifaði undir samning í gær.

Simon var síðast á mála hjá Sarpsborg 08 í Noregi en glímdi við mikil meiðsli og vonast til að finna sitt gamla form á ný með Fram. Simon hefur einnig leikið fyrir Bröndby og Randers í Danmörku, Groningen og Emmen í Hollandi, ásamt Djurgården í heimalandinu. Hann var hluti af U21 liði Svíþjóðar sem varð Evrópumeistari árið 2015 og á að baki einn A-landsleik fyrir sína þjóð.

Simon var hluti af U21 liði Svíþjóðar sem varð Evrópumeistari árið 2015.

„Honum hefur gengið vel að aðlagast hópnum og tók þátt í æfingaferð liðsins á Spáni. Simon kemur til Fram með metnað og ástríðu til að lyfta liðinu á næsta stig og mun leggja sitt af mörkum til að ná enn frekari árangri“ segir í tilkynningu Fram sem má finna fyrir neðan.

Fram tekur á móti ÍA í fyrstu umferð Bestu deildar karla þann 6. apríl næstkomandi.

Besta deild karla Íslenski boltinn Fram

Mest lesið


Fleiri fréttir

Sjá meira


×

Mest lesið