Í fréttatilkynningu þess efnis segir að markmiðið sé að kanna hvort sameining bæti hag sjóðfélaga og styrki starfsemi sjóðanna til framtíðar.
Verði af sameiningunni yrði sameinaður sjóður fimmti stærsti lífeyrissjóður landsins með heildareignir upp á 667 milljarða, miðað við stöðu eigna um síðustu áramót.
Viðræður séu á frumstigi en stefnt sé að því að þeim verði lokið fyrir sumarið. Náist samkomulag verði boðað til lögbundinna sjóðfélagafunda þar sem tillaga um sameiningu verði borin upp til atkvæðagreiðslu í samræmi við samþykktir hvors sjóðs um sig.
