Patrik og Gústi í sundur: „Vinir, veit það ekki“ Magnús Jochum Pálsson skrifar 16. apríl 2025 08:01 Patrik Atlason og Ágúst Beinteinn á góðri stund meðan þeir störfuðu enn saman. Eftir rúmlega árs samstarf skildu leiðir hjá þeim félögum. Róbert Arnar Popparinn Patrik Atlason segir samstarfi sínu við Gústa B hafa lokið á „góðum nótum“. Gústi var hægri hönd Patriks í rúmt ár og vann fyrir hann sem plötusnúður og umboðsmaður. Patrik lýsir þeim tveimur ekki sem vinum. Patrik Atlason, betur þekktur sem Prettyboitjokkó, braust fram á sjónarsviðið á vormánuðum ársins 2023 með laginu „Prettyboitjokkó“. Næstu mánuði eftir það var hann fyrirferðamikill í fjölmiðlum og gaf út plötuna PBT auk fjölda smáskífa sem rötuðu ofarlega á topplista, þar á meðal hið geysivinsæla „Skína“. Sjá einnig: „Þetta verður næsta poppstjarna Íslands“ Sumarið 2023 réði Patrik samfélagsmiðlastjörnuna Ágúst Beintein Árnason, betur þekktan sem Gústa B, til að vinna fyrir sig sem plötusnúð á viðburðum. Fljótlega varð Gústi að hægri hönd Patriks, vann sem umboðsmaður hans og sá um að bóka tónleika fyrir popparann. Þeir félagarnir fengu báðir verðlaun á barnahátíðinni Sögum í júní 2024. Fyrir það hafði Birgitta Líf verið umboðsmaður Patriks og tilkynntu þau það með myndbandi af undirritun „umboðssamningsins“ þar sem pabbi Birgittu, Bjössi í World Class, og afi Patriks, Helgi í Góu, voru viðstaddir. Gústi og Patrik fóru fögrum orðum hvor um annan í viðtali við Vísi í september 2023 og sögðu samvinnuna hafa gengið vel. „Held við séum báðir nokkuð slakir þrátt fyrir nokkra hnökra sem viðkoma ferðalögum,“ sagði Gústi í viðtalinu en þeir voru þá nýbúnir að skemmta sér á Ibiza til að fagna góðu gengi „Skína“ og höfðu þar áður spilað í pókerferð í Slóvakíu. Á tímabili virtust félagarnir vera eins og límdir saman, Gústi var auðvitað með Patrik á öllum tónleikum en þar að auki var Patrik tíður gestur í útvarpsþættinum Veislunni hjá Gústa og félögum á FM957. Verandi nánir samstarfsmenn birtu þeir reglulega af sér myndir saman á samfélagsmiðlum. Áhrifamikill og umdeildur nauðgunarbrandari Ákveðin hvörf urðu í Veislunni fimmtudaginn 1. ágúst 2024 fyrir Þjóðhátíð. Patrik var þar gestur og spurði mann, sem hringdi inn í þáttinn og var á leið á Þjóðhátíð, hvort hann ætlaði að mæta með botnlaust tjald til Eyja. Sjá einnig: Nauðgunarbrandari Patriks féll í grýttan jarðveg Ummælin fóru fyrir brjóstið á mörgum en með botnlausu tjaldi er átt við tjald sem hægt er að varpa auðveldlega yfir áfengisdauða manneskju til þess að brjóta á henni kynferðislega. Ekki náðist í Patrik beint eftir þáttinn en hann tróð svo upp á Þjóðhátíð með Gústa B og skemmti sér greinilega vel miðað við mynd sem birtist af þeim félögum á Instagram. Patrik og Gústi ásamt kærustum þeirra, Friðþóru og Hafdísi Sól, auk fleiri góðra vina. Viku síðar var Veislan tekin af dagskrá á FM957 en Þórdís Valsdóttir, forstöðumaður útvarpsmiðla Sýnar, sagðist þá ekki vilja tjá sig nánar um ástæður þess að þátturinn væri ekki lengur í loftinu. Degi síðar sendi Patrik frá sér afsökunarbeiðni. „Ég vil biðja alla afsökunar á ruglinu í mér með botnlausa tjaldið á FM957 og ekki síst þolendur nauðgana sem eiga ekki skilið að talað sé með þessum hætti um svo alvarlegan hlut,“ sagði Patrik og bað Gústa B svo sérstaklega afsökunar. „Einnig vil ég biðja Gústa vin minn afsökunar á því að hann hafi lent í vandræðum yfir þessum lélega brandara mínum sem ég á einn sök á,“ segir Patrik. „Síðast þegar ég vissi varstu nú reyndar enn þá umboðsmaðurinn minn...“ Tæpri viku eftir að Veislan var tekin af dagskrá, þann 13. ágúst, birti Gústi mynd af sér á Instagram og skrifaði við hana: „Vantar nýja vinnu - who’s hiring?“ Nokkrum dögum fyrir það hafði Gústi greint frá því í viðtali á Vísi að hann hefði einungis verið verktaki hjá FM957 og verkefnum hans hjá stöðinni því lokið. Hann liti þó björtum augum til framtíðar. Fjöldi fólks skrifaði ummæli við færsluna og hvatti útvarpsmanninn til dáða. Hans góði samstarfsmaður og vinur Patrik Atlason minnti hann sömuleiðis á að hann væri ekki alfarið atvinnulaus: „Síðast þegar ég vissi varstu nú reyndar enn þá umboðsmaðurinn minn...“ Skömmu fyrr höfðu félagarnir hætt að birta myndir hver af öðrum á samfélagsmiðlum. Síðasta myndin sem Gústi birti af þeim félögum á Instagram var af þeim saman á Þjóðhátíð 5. ágúst. Síðasta myndin sem Patrik birti af Gústa á gramminu var enn fyrr, eða 21. júlí, á ársafmæli „Skína“. Gústi endurreisti Veisluna í hlaðvarpsformi í október 2024 og stýrir þættinum með Guðrúnu Svövu Egilsdóttur, sem er betur þekkt sem Gugga í gúmmíbát, og Sigurði Gísla Bond Snorrasyni. Auk þess að hafa hætt að birta myndir hver af öðrum þá virðist Patrik aldrei hafa komið í nýju Veisluna, allavega ekki ef marka má Spotify, þrátt fyrir að vera mikill vinur bæði Gústa og Sigurðar Bond. Patrik tilkynnti síðan 13. desember 2024 í Brennslunni að hann væri kominn með nýjan umboðsmann, útvarpskonuna Ósk Gunnarsdóttur. Út á við virtist samstarfinu þar með vera endanlega slitið. Ekki lengur í samstarfi en allt á góðum nótum Við þessa skyndilegu sviptingu, að fara úr því að vera saman daglega og birta reglulega af sér myndir yfir í að sjást ekkert saman, vöknuðu ýmsar spurningar. Í kjölfarið fór orðrómur á kreik þess efnis að samstarfið hefði endað í illu. „Við erum ekki lengur í samstarfi, það er ekkert meira um það að segja,“ sagði Patrik um vinnusamstarfið þegar fréttastofa hafði samband. En enn þá vinir? „Vinir, veit það ekki. Allt á góðum nótum bara,“ sagði hann. Fréttastofa heyrði einnig í Gústa sem hafði lítinn áhuga á að tjá sig um málið. Samstarfinu hefði lokið fyrir um átta mánuðum síðan en það hefði hins vegar alltaf staðið til frá byrjun. Hann hafi einungis verið að hjálpa vini sem var að hefja feril sinn. Samfélagsmiðlar FM957 Tónlist Mest lesið Björgvin Franz kaupir 36 fermetra íbúð í miðbænum Lífið Furðuleg forréttindablinda Gagnrýni Sveinn Andri og María Sigrún mættu á frumsýninguna Lífið Innlit: „Ég bý í draumahúsinu“ Lífið Heitasta listapar landsins á djamminu Lífið „Sextán ára stelpa hefur lítið að gera við svona háa upphæð“ Lífið Lína orðin að „peningasjúkum TikTok-trúði“ eða sjálfsögð markaðssetning? Menning Tilnefningar fyrir árið 2024 birtar Bíó og sjónvarp Hiti í Hringekjunni Tíska og hönnun Sýna(r)brjóstin, sýna stuðning Lífið Fleiri fréttir Gerðið verði besti staðurinn nálægt borginni til að skoða stjörnur Heitasta listapar landsins á djamminu „Er ekki hrædd við að vera ég sjálf“ Sveinn Andri og María Sigrún mættu á frumsýninguna „Sextán ára stelpa hefur lítið að gera við svona háa upphæð“ Sýna(r)brjóstin, sýna stuðning Brjánn ávarpaði alla áhorfendur leiksins rétt fyrir upphafsflautið Innlit í þriggja hæða veitingastaðinn Bryggjuhúsið sem er í húsi frá 1863 Björgvin Franz kaupir 36 fermetra íbúð í miðbænum Innlit: „Ég bý í draumahúsinu“ „Gerði grín að líkamanum mínum og sagði að ég ætti að tala minna“ Óttast að hann sé fyrsta fórnarlamb flugunnar Fögnuðu fallegri og óvæntri vináttu Svikarar höfðu fjórar milljónir af Aroni Can „Setti sjálfa mig í fyrsta sæti og hef aldrei verið hamingjusamari“ Hvetur hávaxnar stelpur til að vera stoltar af hæð sinni Stjörnulífið: „Bið ekki um meira“ „Við María eigum rosalega fallegt samband og erum þakklát hvort fyrir annað“ Nóa-Siríus fjölskyldan fyrrverandi selur súkkulaðihöll Fær ógeðistilfinningu eftir fullnægingu Hugleiki Dagssyni hent út af Facebook Áhrifavaldur greiddi sextán milljónir fyrir auglýsingar á samfélagsmiðlum: „Hvar eru allir peningarnir?” Íslenska stelpan sem eltir drauminn í Los Angeles Sam Rivers úr Limp Bizkit látinn Krakkatían: IKEA-geitin, októberfest og reikistjarna Tveir skiptu með sér sjöfalda pottinum Dýri kveður Íþróttaálfinn eftir tuttugu ár Fjögur hundruð milljónir króna í skjalatösku í Hveragerði Fjórir á lista Páls hættir við „Vinir mínir settu stöðugt út á mig og niðurlægðu mig“ Sjá meira
Patrik Atlason, betur þekktur sem Prettyboitjokkó, braust fram á sjónarsviðið á vormánuðum ársins 2023 með laginu „Prettyboitjokkó“. Næstu mánuði eftir það var hann fyrirferðamikill í fjölmiðlum og gaf út plötuna PBT auk fjölda smáskífa sem rötuðu ofarlega á topplista, þar á meðal hið geysivinsæla „Skína“. Sjá einnig: „Þetta verður næsta poppstjarna Íslands“ Sumarið 2023 réði Patrik samfélagsmiðlastjörnuna Ágúst Beintein Árnason, betur þekktan sem Gústa B, til að vinna fyrir sig sem plötusnúð á viðburðum. Fljótlega varð Gústi að hægri hönd Patriks, vann sem umboðsmaður hans og sá um að bóka tónleika fyrir popparann. Þeir félagarnir fengu báðir verðlaun á barnahátíðinni Sögum í júní 2024. Fyrir það hafði Birgitta Líf verið umboðsmaður Patriks og tilkynntu þau það með myndbandi af undirritun „umboðssamningsins“ þar sem pabbi Birgittu, Bjössi í World Class, og afi Patriks, Helgi í Góu, voru viðstaddir. Gústi og Patrik fóru fögrum orðum hvor um annan í viðtali við Vísi í september 2023 og sögðu samvinnuna hafa gengið vel. „Held við séum báðir nokkuð slakir þrátt fyrir nokkra hnökra sem viðkoma ferðalögum,“ sagði Gústi í viðtalinu en þeir voru þá nýbúnir að skemmta sér á Ibiza til að fagna góðu gengi „Skína“ og höfðu þar áður spilað í pókerferð í Slóvakíu. Á tímabili virtust félagarnir vera eins og límdir saman, Gústi var auðvitað með Patrik á öllum tónleikum en þar að auki var Patrik tíður gestur í útvarpsþættinum Veislunni hjá Gústa og félögum á FM957. Verandi nánir samstarfsmenn birtu þeir reglulega af sér myndir saman á samfélagsmiðlum. Áhrifamikill og umdeildur nauðgunarbrandari Ákveðin hvörf urðu í Veislunni fimmtudaginn 1. ágúst 2024 fyrir Þjóðhátíð. Patrik var þar gestur og spurði mann, sem hringdi inn í þáttinn og var á leið á Þjóðhátíð, hvort hann ætlaði að mæta með botnlaust tjald til Eyja. Sjá einnig: Nauðgunarbrandari Patriks féll í grýttan jarðveg Ummælin fóru fyrir brjóstið á mörgum en með botnlausu tjaldi er átt við tjald sem hægt er að varpa auðveldlega yfir áfengisdauða manneskju til þess að brjóta á henni kynferðislega. Ekki náðist í Patrik beint eftir þáttinn en hann tróð svo upp á Þjóðhátíð með Gústa B og skemmti sér greinilega vel miðað við mynd sem birtist af þeim félögum á Instagram. Patrik og Gústi ásamt kærustum þeirra, Friðþóru og Hafdísi Sól, auk fleiri góðra vina. Viku síðar var Veislan tekin af dagskrá á FM957 en Þórdís Valsdóttir, forstöðumaður útvarpsmiðla Sýnar, sagðist þá ekki vilja tjá sig nánar um ástæður þess að þátturinn væri ekki lengur í loftinu. Degi síðar sendi Patrik frá sér afsökunarbeiðni. „Ég vil biðja alla afsökunar á ruglinu í mér með botnlausa tjaldið á FM957 og ekki síst þolendur nauðgana sem eiga ekki skilið að talað sé með þessum hætti um svo alvarlegan hlut,“ sagði Patrik og bað Gústa B svo sérstaklega afsökunar. „Einnig vil ég biðja Gústa vin minn afsökunar á því að hann hafi lent í vandræðum yfir þessum lélega brandara mínum sem ég á einn sök á,“ segir Patrik. „Síðast þegar ég vissi varstu nú reyndar enn þá umboðsmaðurinn minn...“ Tæpri viku eftir að Veislan var tekin af dagskrá, þann 13. ágúst, birti Gústi mynd af sér á Instagram og skrifaði við hana: „Vantar nýja vinnu - who’s hiring?“ Nokkrum dögum fyrir það hafði Gústi greint frá því í viðtali á Vísi að hann hefði einungis verið verktaki hjá FM957 og verkefnum hans hjá stöðinni því lokið. Hann liti þó björtum augum til framtíðar. Fjöldi fólks skrifaði ummæli við færsluna og hvatti útvarpsmanninn til dáða. Hans góði samstarfsmaður og vinur Patrik Atlason minnti hann sömuleiðis á að hann væri ekki alfarið atvinnulaus: „Síðast þegar ég vissi varstu nú reyndar enn þá umboðsmaðurinn minn...“ Skömmu fyrr höfðu félagarnir hætt að birta myndir hver af öðrum á samfélagsmiðlum. Síðasta myndin sem Gústi birti af þeim félögum á Instagram var af þeim saman á Þjóðhátíð 5. ágúst. Síðasta myndin sem Patrik birti af Gústa á gramminu var enn fyrr, eða 21. júlí, á ársafmæli „Skína“. Gústi endurreisti Veisluna í hlaðvarpsformi í október 2024 og stýrir þættinum með Guðrúnu Svövu Egilsdóttur, sem er betur þekkt sem Gugga í gúmmíbát, og Sigurði Gísla Bond Snorrasyni. Auk þess að hafa hætt að birta myndir hver af öðrum þá virðist Patrik aldrei hafa komið í nýju Veisluna, allavega ekki ef marka má Spotify, þrátt fyrir að vera mikill vinur bæði Gústa og Sigurðar Bond. Patrik tilkynnti síðan 13. desember 2024 í Brennslunni að hann væri kominn með nýjan umboðsmann, útvarpskonuna Ósk Gunnarsdóttur. Út á við virtist samstarfinu þar með vera endanlega slitið. Ekki lengur í samstarfi en allt á góðum nótum Við þessa skyndilegu sviptingu, að fara úr því að vera saman daglega og birta reglulega af sér myndir yfir í að sjást ekkert saman, vöknuðu ýmsar spurningar. Í kjölfarið fór orðrómur á kreik þess efnis að samstarfið hefði endað í illu. „Við erum ekki lengur í samstarfi, það er ekkert meira um það að segja,“ sagði Patrik um vinnusamstarfið þegar fréttastofa hafði samband. En enn þá vinir? „Vinir, veit það ekki. Allt á góðum nótum bara,“ sagði hann. Fréttastofa heyrði einnig í Gústa sem hafði lítinn áhuga á að tjá sig um málið. Samstarfinu hefði lokið fyrir um átta mánuðum síðan en það hefði hins vegar alltaf staðið til frá byrjun. Hann hafi einungis verið að hjálpa vini sem var að hefja feril sinn.
Samfélagsmiðlar FM957 Tónlist Mest lesið Björgvin Franz kaupir 36 fermetra íbúð í miðbænum Lífið Furðuleg forréttindablinda Gagnrýni Sveinn Andri og María Sigrún mættu á frumsýninguna Lífið Innlit: „Ég bý í draumahúsinu“ Lífið Heitasta listapar landsins á djamminu Lífið „Sextán ára stelpa hefur lítið að gera við svona háa upphæð“ Lífið Lína orðin að „peningasjúkum TikTok-trúði“ eða sjálfsögð markaðssetning? Menning Tilnefningar fyrir árið 2024 birtar Bíó og sjónvarp Hiti í Hringekjunni Tíska og hönnun Sýna(r)brjóstin, sýna stuðning Lífið Fleiri fréttir Gerðið verði besti staðurinn nálægt borginni til að skoða stjörnur Heitasta listapar landsins á djamminu „Er ekki hrædd við að vera ég sjálf“ Sveinn Andri og María Sigrún mættu á frumsýninguna „Sextán ára stelpa hefur lítið að gera við svona háa upphæð“ Sýna(r)brjóstin, sýna stuðning Brjánn ávarpaði alla áhorfendur leiksins rétt fyrir upphafsflautið Innlit í þriggja hæða veitingastaðinn Bryggjuhúsið sem er í húsi frá 1863 Björgvin Franz kaupir 36 fermetra íbúð í miðbænum Innlit: „Ég bý í draumahúsinu“ „Gerði grín að líkamanum mínum og sagði að ég ætti að tala minna“ Óttast að hann sé fyrsta fórnarlamb flugunnar Fögnuðu fallegri og óvæntri vináttu Svikarar höfðu fjórar milljónir af Aroni Can „Setti sjálfa mig í fyrsta sæti og hef aldrei verið hamingjusamari“ Hvetur hávaxnar stelpur til að vera stoltar af hæð sinni Stjörnulífið: „Bið ekki um meira“ „Við María eigum rosalega fallegt samband og erum þakklát hvort fyrir annað“ Nóa-Siríus fjölskyldan fyrrverandi selur súkkulaðihöll Fær ógeðistilfinningu eftir fullnægingu Hugleiki Dagssyni hent út af Facebook Áhrifavaldur greiddi sextán milljónir fyrir auglýsingar á samfélagsmiðlum: „Hvar eru allir peningarnir?” Íslenska stelpan sem eltir drauminn í Los Angeles Sam Rivers úr Limp Bizkit látinn Krakkatían: IKEA-geitin, októberfest og reikistjarna Tveir skiptu með sér sjöfalda pottinum Dýri kveður Íþróttaálfinn eftir tuttugu ár Fjögur hundruð milljónir króna í skjalatösku í Hveragerði Fjórir á lista Páls hættir við „Vinir mínir settu stöðugt út á mig og niðurlægðu mig“ Sjá meira
Áhrifavaldur greiddi sextán milljónir fyrir auglýsingar á samfélagsmiðlum: „Hvar eru allir peningarnir?”