Pétur Rúnar á bekknum hjá Stólunum í 3. deildinni

Liðið tapaði fyrir Augnablik á laugardaginn í Fífunni og fór leikurinn 4-1. Það sem gerir leikinn nokkuð athyglisverðan var að körfuboltamaðurinn Pétur Rúnar Birgisson sat á varamannabekknum í leiknum. Hann kom ekki við sögu í leiknum.  Alls voru fimm leikmenn á bekknum hjá Stólunum. Feykir greinir frá.

Ekki er langt síðan að Pétur fór í sumarfrí í Bónus-deild karla í körfubolta, eftir tap í úrslitaeinvíginu gegn Stjörnunni, en lokaleikur tímabilsins var oddaleikur um Íslandsmeistaratitilinn í Síkinu fyrir norðan. Sá leikur fór fram 21. maí.