Nennið þið plís blessaða ríkis­stjórn!

Það er þvílík sýndarmennska í gangi af hálfu íslenskra pólitíkusa. 

Eftir mótmælin gegn innflytjendum á laugardaginn hafa sumir í stjórnmálum tjáð sig með þeim tilgangi að standa upp fyrir þessum félagshóp. Þó að það gleðji mig að sjá fólk í valdastöðu nota röddina sína er það ekki lengur í boði að leyfa slíkum upphrópunum að reynast yfirborðskenndar í eitt annað sinn. 

Samfylkingin, Viðreisn, Flokkur fólksins, þetta er á ykkar ábyrgð. Þið eigið ríkisstjórnina. Ef ykkur er annt um innflytjendur þá gjörið svo vel að grípa til víðtækari aðgerða en dyggðaskreytingar á samfélagsmiðlum. Þið getið gert hvað sem er. Ef þið viljið útrýma hatursorðræðu, koma í veg fyrir misnotkun íslenska fánans eða annars vegar hjálpa innflytjendum, þið eruð í hinu fullkominni stöðu til þess. Ekki vera hneyksluð yfir þessu öllu þegar þið sitjið enn á hakanum ekki að gera neitt. Ástandið hefur breyst þannig að innflytjendur sem hafa fylgt öllum óskrifuðum reglum um hvernig á að vera „einn af þeim góðu“ hafa orðið fyrir hatri. Hvað ætlið þið að gera í því? 

Nennið þið bara að gera eitthvað? Án gríns. 

Höfundur er ritari Pírata í Reykjavík.