Elsta svæði Vopna­fjarðar stað­fest sem verndar­svæði

 Á vef stjórnarráðsins segir að verndarsvæðið sé um 3,7 hektarar að stærð.

„Plássið í miðbæ Vopnafjarðarkauptúns nær um um elsta hluta byggðar bæjarins og felst sérstaða þess í menningarsögulegum arfi gamalla húsa og fjölda fornminja sem tengjast sögu atvinnulífs, verslunar, sjósóknar og þróun þéttbýlis.

Innan verndarsvæðisins er að finna þyrpingu 16 ólíkra húsa frá ýmsum tímabilum. Þá er byggingarlína húsa við Kolbeinsgötu, elstu götuna í kauptúninu, samfelld og hefur varðveist til dagsins í dag. Fjögur af elstu húsum verndarsvæðisins – Vopnafjarðarkirkja sem byggð var á árunum 1902-1903, Framtíðin (byggt um 1898), Kaupvangur (1884) og Guðjohnsenshús (1880) - hafa verið endurgerð,“ segir í tilkynningunni.

Haft er eftir Jóhanni Páli að bæjarstæðið sé fallegt og byggðin í kringum miðbæinn hafi mikið verndargildi. „Heimamenn hafa hlúð vel að byggingararfinum og hafa sýnt mikið metnað í að varðveita svipmót svæðisins,“ segir Jóhann Páll.