Enski boltinn

Mbuemo fer fram á fimm­falt hærri laun

Ágúst Orri Arnarson skrifar
Bryan Mbuemo vill hækka verulega í launum.
Bryan Mbuemo vill hækka verulega í launum. Lee Parker - CameraSport via Getty Images

Bryan Mbuemo, leikmaður Brentford í ensku úrvalsdeildinni, er sagður vilja ganga til liðs við Manchester United en fer fram á fimmfalt hærri laun, sem félagið er talið tilbúið að borga þar sem það er að losa tvo launahæstu leikmenn liðsins.

Mbuemo sýndi sínar allra bestu hliðar á síðasta tímabili, þegar hann skoraði tuttugu mörk og gaf sjö stoðsendingar í ensku úrvalsdeildinni. Hann á aðeins ár eftir af samningi sínum við Brentford, sem er sagt tilbúið að selja hann fyrir um sextíu milljónir punda.

Mbuemo vill helst semja við Manchester United og er sagður fara fram á fimmfalt hærri laun en hann hefur hjá Brentford. Laun hans myndu þá hækka úr 50 þúsund pundum í 250 þúsund pund á viku, en þekkt er að leikmenn leggi háar kröfur fram fyrst um sinn og semji síðan um aðeins minna.

Manchester United er hins vegar talið tilbúið að mæta kröfum Mbuemo án mótspyrnu, vegna þess að liðið er að losa sig við tvo launahæstu leikmenn liðsins, Jadon Sancho og Marcus Rashford. Þá eru Antony og Alejandro Garnacho einnig taldir á förum, þannig að United þarf nauðsynlega að styrkja sóknarlínuna.




Fleiri fréttir

Sjá meira


×