Segja Man United hafa sett í sam­band við Sporting vegna fram­herjans eftir­sótta

Gyökeres, sem er nýorðinn 27 ára gamall, raðaði inn mörkum fyrir Sporting þegar Ruben Amorim stýrði liðinu og hélt því svo áfram eftir að Amorim tók við Manchester United snemma á síðustu leiktíð.

Alls kom sjóðheiti Svíinn með beinum hætti að 67 mörkum í 52 leikjum á nýafstaðinni leiktíð, skoraði 54 mörk og gaf 14 stoðsendingar. Að leiktíðinni lokinni stóð Sporting uppi sem tvöfaldur meistari í Portúgal, deild- og bikarmeistari.

Á tveimur tímabilum í Portúgal hefur Gyökeres spilað 102 leiki, skorað 97 mörk og gefið 28 stoðsendingar.

Sky Sports greinir nú frá því að Amorim vilji endurnýja kynnin við framherjann sem sprakk út undir hans stjórn. Gyökeres þekkir til á Englandi eftir að hafa verið á mála hjá Brighton & Hove Albion, Swansea City og Coventry City á sínum tíma.

Ekki er vitað hvort þetta þýði að hinn danski Rasmus Höjlund verði settur á sölulista en hann hefur gefið til kynna að hann verði áfram hjá félaginu.