Innlent

Kærður fyrir að van­virða ís­lenska fánann

Sólrún Dögg Jósefsdóttir skrifar
Í 12. grein fánalaga segir að enginn megi vanvirða þjóðfánann, hvorki í orði né verki. 
Í 12. grein fánalaga segir að enginn megi vanvirða þjóðfánann, hvorki í orði né verki.  Vísir/Vilhelm

Lögreglan á höfuðborgarsvæðinu hafði afskipti af einstaklingi sem er grunaður um að hafa vanvirt íslenska fánann í miðborginni í nótt, aðfaranótt 17. júní, þjóðhátíðardags Íslendinga. 

Í dagbók lögreglunnar á höfuðborgarsvæðinu segir að viðkomandi hafi verið kærður en frekari upplýsingar liggja ekki fyrir.

Fjórir gistu í fangageymslu lögreglu samkvæmt tilkynningunni.

Nokkuð var um almennar hávaðakvartanir í nótt, og að ökumenn væru kærðir fyrir hefðbundin ökulagabrot. Lögreglumenn settu upp ölvunarpóst í hverfi 105. Um 240 bílar voru stöðvaðir og voru ökumenn látnir blása. Tveimur ökumönnum hafi eftir mælingu verið gert að stöðva akstur. Einn ökumaður hafi reynst ölvaður og annar grunaður um akstur undir áhrifum fíkniefna.

Lögreglumál Íslenski fáninn 17. júní Reykjavík

Mest lesið


Fleiri fréttir

Sjá meira


×

Mest lesið