Lægðar­drag yfir landinu

Þetta segir í hugleiðingum veðurfræðings á vef Veðurstofunnar. Búast má við dálítilli rigningu eða súld með köflum og hita 6 til 13 stigum. 

Á morgun, miðvikudag er útlit fyrir áframhaldandi vestlæga átt með skúraveðri á landinu og svipuðu hitastigi, 7 til 15 stig. Hlýjast verður fyrir austan. 

Veðurhorfur á landinu næstu daga

Á miðvikudag:

Vestan 8-13 m/s syðst, annars hægari vindur. Víða skúrir, hiti 7 til 15 stig, mildast suðaustan- og austanlands.

Á fimmtudag:

Suðlæg átt, 3-10. Skýjað með köflum og stöku skúrir, en dálítil væta vestantil seinnipartinn. Hiti 8 til 16 stig, hlýjast á Norðausturlandi.

Á föstudag:

Suðvestlæg átt 5-10 og rigning, en léttir til um landið austanvert seinnipartinn. Heldur svalara.

Á laugardag (sumarsólstöður):

Vestanátt og úrkomulítið en bjartviðri fyrir austan. Hiti 7 til 16 stig, hlýjast suðaustantil.

Á sunnudag:

Suðvestlæg átt, víða skýjað með köflum og væta á stöku stað, einkum vestantil um kvöldið. Hiti breytist lítið.

Á mánudag:

Útlit fyrir sunnanátt með rigningu og milt veður, en þurrt að kalla og hlýtt norðaustantil.