Veður

Hlýjast á Vestur­landi

Silja Rún Sigurbjörnsdóttir skrifar
Besta veðrið á landinu í dag verður á Vesturlandi.
Besta veðrið á landinu í dag verður á Vesturlandi. Vísir/Sigurjón

Skammt suður af landinu er lægð sem er á leið til austurs. Austan og norðaustan stinningskaldi verður í dag auk úrkomu á köflum. Smáskúrir verða á suðvestur- og vesturhluta landsins. 

Samkvæmt Veðurstofu Íslands dregur úr úrkomunni í kvöld og birtir til á vestanverðu landinu. Á Norðaustur- og Austurlandi verður áfram rakt. 

Hlýjast verður á Vesturlandi þar sem hitinn gæti náð upp í sextán stig.

Veðurhorfur á landinu næstu daga

Á þriðjudag og miðvikudag: Austlæg átt 5-13 metrar á sekúndu og væta með köflum, einkum á Suður- og Vesturlandi. Hiti 7 til 14 stig, mildast norðvestanlands.

Á fimmtudag: Suðaustlæg eða breytileg átt 3-10 og rigning með köflum. Hiti 8 til 15 stig.

Á föstudag og laugardag: Breytileg átt og allvíða skúrir. Heldur kólnandi.

Veður

Mest lesið


Fleiri fréttir

Sjá meira


×

Mest lesið