Innlent

Slags­mál á hóteli í mið­borginni

Atli Ísleifsson skrifar
Einn maður var sagður mjög æstur á hótelinu og „aðalvandamálið“. Myndin er úr safni.
Einn maður var sagður mjög æstur á hótelinu og „aðalvandamálið“. Myndin er úr safni. Vísir/Vilhelm

Lögregla á höfuðborgarsvæðinu var kölluð út þegar tilkynnt var um slagsmál á hóteli í miðborg Reykjavíkur. Þegar lögreglu bar að garði var einn maður sagður mjög æstur og hafði hann, að sögn vitna, verið aðalvandamálið á svæðinu.

Þetta kemur fram í tilkynningu frá lögreglu þar sem segir frá verkefnum gærkvöldsins og næturinnar. Þar kemur fram að þegar lögregla hafi ætlað að ræða við manninn hafi hann brugðist illa við og verið handtekinn og fjarlægður af hótelinu.

Í tilkynningunni segir að lögregla hafi einnig verið kölluð út eftir að tilkynnt var um eignaspjöll á veitingastað á svæði lögreglustöðvar 2 sem nær yfir Hafnarfjörð, Garðabæ og Álftanes. Þar segir að þegar lögregla hafi komið á staðinn hafi starfsmaður verið búinn að ræða við geranda og að líklega hafi verið um óhapp að ræða.

Lögregla var einnig kölluð til eftir að tilkynnt var um þjófnað í tveimur verslunum og voru málin bæði leyst á vettvangi.

Lögreglumál Reykjavík Hótel á Íslandi

Mest lesið


Fleiri fréttir

Sjá meira


×

Mest lesið