Strandveiðibátur sökk úti fyrir Pat­reks­firði

Í tilkynningu frá Landhelgisgæslunni segir að skipstjóri fiskibáts í grenndinni hefði haft samband við stjórnstöð Landhelgisgæslunnar og tilkynnt að báturinn væri sokkinn og að einn maður væri í sjónum.

Þyrla Landhelgisgæslunnar og áhöfnin á björgunarskipinu Verði hafi verið kallaðar út á mesta forgangi. Þá hafi öll skip á svæðinu verið beðin um að halda á staðinn. Áhöfnin á björgunarskipinu hafi verið fyrst viðbragðsaðila á vettvang og náð manninum úr sjónum. Hann hafi verið fluttur með björgunarskipinu til Patreksfjarðar. Ekki hafa fengist upplýsingar um líðan hans.

Rannsókn málsins sé í höndum lögreglunnar á Vestfjörðum og Rannsóknarnefndar samgönguslysa.