Scheffler með örugga for­ystu fyrir loka­daginn

Þriðja og næst síðasta degi mótsins lauk rétt fyrir klukkan sjö og varð lítil breyting á efstu mönnum. Scheffler lék hring dagsins á 67 höggum, eða fjórum höggum undir pari, og er því samtals á 14 höggum undir pari.

Kínverjinn Haotong Li er í öðru sæti, en hann er fjórum höggum á eftir Scheffler.

Af efstu mönnum er Norður-Írinn Rory McIlroy hins vegar hástökkvari dagsins. Hann lék hringinn í dag á fimm höggum undir pari og stökk upp um átta sæti, úr tólfta og upp í það fjórða þar sem hann er jafn Chris Gotterup. 

McIlroy og Gotterup hafa leikið samtals á átta höggum undir pari og eru aðeins einu höggi á eftir Matt Fitzpatrick sem situr í þriðja sæti.

Lokadagurinn fer svo fram á morgun og verður í beinni útsendingu á Sýn Sport 4. Útsending hefst strax klukkan átta í fyrramálið.