Frá­bær árangur Evu sem sló met í Banda­ríkjunum

Golfsamband Íslands greinir frá árangri Evu en leiknir voru tveir hringir á fyrsta keppnisdegi, alls 36 holur og lék hún hringina tvo á níu höggum undir pari. 

Með því bætti Eva skólamet Iowa háskólans yfir 36 holur og jafnframt jafnaði hún met skólans fyrir lægsta átján holu skorið. 

Fyrr hringinn lék Eva á sex undir pari, alls 66 höggum og þann síðari á þremur undir pari, 69 höggum.

Tilþrif dagsins hjá Evu komu á þrettándu holu er hún sló í holu af 90 metra færi fyrir erni. 

Eftir fyrsta keppnisdaginn situr Eva í þriðja sæti mótsins í einstaklingsflokki. Iowa háskólin er jafn í tíunda sæti liðakeppni mótsins.