Vefur og app Ís­lands­banka lágu niðri

Tæknileg bilun kom upp og bankastarfsmenn hafa komist að því hvað olli henni, samkvæmt upplýsingum frá bankanum.

Unnið er að því að koma vefnum og smáforritinu aftur í lag en upp úr klukkan tíu var vefsíðan aftur komin í loftið sums staðar.

„Það er ekki um tölvuárás að ræða eða álag tengt mánaðaamótum og við gerum ráð fyrir að þetta verði komið í lag innan klukkustundar og líklegast fyrr,“ segir Bjarney Anna Bjarnadóttir, fjárfestatengill bankans, í samtali við Vísi.

Bankastarfsmenn hafi fyrst klukkan níu í morgun orðið varir við að síðan og appið lægju niðri.

Fréttin hefur verið uppfærð eftir að frekari upplýsingar bárust frá bankanum.