De Gea: Mun aldrei gleyma þessum leik

Man. Utd tók vel á móti sínum gamla markverði með gjöfum fyrir leik og svo tók stúkan vel á móti honum.

De Gea spilaði 545 leiki fyrir United á sínum tíma en var kastað út er Erik ten Hag ákvað að fá Andre Onana í markið.

De Gea var skipt af velli í leiknum svo hann gæti verið hylltur af áhorfendum. Tækifæri sem hann fékk ekki á sínum tíma.

„Ég mun aldrei gleyma þessum leik. Stundum er erfitt að lýsa tilfinningum sínum á vellinum. Að horfa á áhorfendur og heyra allan stuðninginn. Ég komst við,“ sagði De Gea þakklátur eftir leik.