Fiskar komnir í fyrstu 25 metra eldistankana

Þetta kemur fram í tilkynningu þar sem segir að félagið hafi starfsrækt laxeldi á landi síðan 2022 í minni tönkum.

„Félagið hefur fjárfest fyrir um 8 milljarða á árinu á athafnasvæði sínu við Laxabraut í Þorlákshöfn, fyrst og fremst í tönkum, búnaði og innviðum sem tengjast áframeldi. Gert er ráð fyrir að fyrsta fasa af 6 verði lokið á 3ja ársfjórðungi ár 2027 og að framleiðslugeta í hverjum fasa verði 10.000 tonn af slægðum laxi. Það er á pari við framleiðslugetu stærstu landeldisfyrirtækja bæði í Noregi og Bandaríkjunum,“ segir í tilkynningunni.

Virkar sem skyldi

Haft er eftir Eggerti Þór Kristóferssyni, forstjóra First Water, að laxfiskinn dafni vel í tönkunum og að allur tæknibúnaður virki sem skyldi.

 „Við erum með afar ánægð með þennan mikilvæga áfanga í uppbyggingu félagsins að taka þessa nýju tanka í rekstur. Á næstu vikum munum við hefja slátrun og útflutning á slægðum fimm kílóa laxi sem er mjög eftirsótt vara á alþjóðlegum mörkuðum og við höfum þegar fyllt upp í pantanir,” segir Eggert Þór.

Í tilkynningunni segir að First Water hafi flutt út um 1.300 tonn af laxi á síðasta ári en heildarútflutningur frá 2023 sé um tvö þúsund tonn.