Viðskipti innlent

78 sagt upp í þremur hóp­upp­sögnum

Atli Ísleifsson skrifar
Unnur Sverrisdóttir er forstjóri Vinnumálastofnunar.
Unnur Sverrisdóttir er forstjóri Vinnumálastofnunar. Vísir/Einar

Þrjár tilkynningar um hópuppsögn bárust Vinnumálastofnun í nýliðnum ágústmánuði. Ellefu var sagt upp í hópuppsögn í júní og alls 67 í tveimur hópuppsögnum í júlí.

Þetta kemur fram í tilkynningu á vef Vinnumálastofnunar.

Þar kemur fram að í ágústmánuði hafi nítján starfsmönnum verið sagt upp hjá fyrirtæki á sviði þjónustu, þrjátíu starfsmönnum á sviði framleiðslu á kísil, það er á PCC Bakka, og 29 starfsmönnum á sviði matvæla.

Uppsagnirnar koma til framkvæmda á tímabilinu ágúst 2025.

Veistu meira um málið? Sendu okkur línu á ritstjorn@visir.is. Fullum trúnaði heitið.

Vinnumálastofnun birti einnig í dag upplýsingar um hópuppsagnir í júní og júlí. Þar segir að tvær tilkynningar um hópuppsögn hafi borist Vinnumálastofnun í júlí. 31 starfsmönnum var sagt upp hjá farþegaflutningum og 38 starfsmönnum í veitingasölu- og þjónustu.

Í júní var stofnuninni tilkynnt um eina hópuppsögn þar sem ellefu starfsmönnum var sagt upp á sviði matvæla.  

Með hópuppsögn er átt við uppsagnir atvinnurekanda á fastráðnum starfsmönnum þar sem fjöldi starfsmanna sem sagt er upp á þrjátíu daga tímabili er að minnsta kosti 10 starfsmenn í fyrirtækjum sem venjulega hafa 21-99 í vinnu, minnst 10% starfsmanna í fyrirtækjum með 100-299 í vinnu eða minnst 30 starfsmenn þar sem venjulega eru 300 eða fleiri.

Fréttin hefur verið uppfærð eftir að Vinnumálastofnun birti upplýsingar um hópuppsagnir í júní og júlí. 

Vinnumarkaður

Tengdar fréttir

Aðeins nokkrir eftir hjá PCC á Bakka eftir að þrjátíu til viðbótar var sagt upp

Þrjátíu starfsmönnum PCC á Bakka hefur verið sagt upp, til viðbótar við þá áttatíu sem þegar hafði verið sagt upp störfum, vegna rekstrarstöðvunar og vaxandi óvissu í rekstrarumhverfi fyrirtækisins. Enn störfuðu 48 hjá fyrirtækinu eftir að ráðist var í síðustu uppsagnir en nú hefur þrjátíu þeirra verið sagt upp.

Tuttugu manns sagt upp hjá Play

Tuttugu starfsmönnum flugfélagsins Play hefur verið sagt upp. Uppsagnirnar taka til starfsmanna þvert á fyrirtækið.

Tólf sagt upp á Siglufirði

Öllum tólf starfsmönnum SR-Vélarverkstæðis á Siglufirði var sagt upp störfum í gær.

Fram­kvæmda­stjórinn hættir og níu sagt upp

Trausti Árnason hefur sagt starfi sínu lausu sem framkvæmdastjóri tæknifyrirtækisins Vélfags á Akureyri og þá hefur níu starfsmönnum fyrirtækisins verið sagt upp.



Mest lesið


Fleiri fréttir

Sjá meira


×

Mest lesið