Bein útsending: Haustbingó Blökastsins

Magnús Jochum Pálsson skrifar 14. september 2025 16:02

Auðunn Blöndal, Egill Egilsson og Steinþór Hróar Steinþórsson standa fyrir bingói Blökastsins.

Hið árlega Haustbingó Blökastsins fer fram í beinni útsendingu á Vísi og sjónvarpsstöðinni Vísi klukkan 19:30 í kvöld. Eins og alltaf eru stórir vinningar og strákarnir lofa stuði og stemningu.

Bingóið átti að fara fram á fyrir viku síðan en tæknilegir örðugleikar komu í veg fyrir það. Nú er búið að tryggja öll tæknimál þannig bingóið á að fara snurðulaust fram.

Allir geta horft á útsendinguna en til þess að fá bingóspjöld og eiga möguleika á að vinna þarf að gerast áskrifandi að hlaðvarpi þeirra félaga, Blökastinu. Það er gert með því að fara á fm95blo.is, gerast áskrifandi og smella svo á rauða bingótakkann sem birtist efst á síðunni 5. september.

Horfa má á útsendinguna í spilaranum hér fyrir neðan:

Útsendingin hefst klukkan 19:30 hér á Vísi og sjónvarpi Vísis. Nálgast má sjónvarp Vísis bæði á Sjónvarpi Sýnar og Sjónvarpi Símans.

„Við höfum alltaf viljað halda í hefðina frá því við byrjuðum með Haustbingó Blökastsins. Þetta er svo mikil snilld til þess að brjóta mánuðinn upp með stuði. Svo er þetta líka fullkominn sunnudagur þar sem það er landsleikjahlé,“ segir Auðunn Blöndal um bingóið.

Meðal vinninga eru:

Tvær mismunandi Playstation 5 tölvur og fleira frá Senu
Rúm frá Dorma
100.000 kr. Gjafabréf frá Play
Gjafabréf í gistingu og kvöldverð í Penguin Suite frá Hótel Rangá
Golfferð fyrir 2 til Portúgal frá Eagle Golfferðir
Galaxy S25 Edge og Galaxy Buds3 Pro frá Samsung
Árskort í Sporthúsið- Risapakki frá Happy Hydrate
50.000 kr. frá Tres Locos
50.000 kr. frá Keiluhöllinni
Pakki frá safnspil.is
Gjafabréf frá Ólífa

Og svo er aldrei að vita hvort Steindi komi með eitthvað úr bílskúrnum.

Hvernig tekurðu þátt?

Áskrifendur Blökastsins skrá sig inn á fm95blö.is, smella á „SÆKJA BINGÓ SPJÖLD“-takkann sem fer með þá á hlekk þar sem þeir geta sótt sér þrjú spjöld. Þeir sem vilja taka þátt fara á hlekkinn, búa til aðgang þar og fá spjöld.

Athugið að spjöldum er úthlutað á aðganginn sem er búinn til þegar þú sækir spjöldin, hægt er að skrá sig inn með sama aðgangi í öðru tæki en þá birtast sömu spjöldin. Tækin muna eftir innskráningunni þannig að hægt er að fara af síðunni og koma aftur. Allir áskrifendur Blökastsins geta sótt spjöld.

Ýttu á Bingó-takkann

Síðan er um að gera að fylgjast vandlega með því þegar strákarnir draga út tölurnar. Ef þú skyldir fá bingó áttu að ýta á Bingó-takkann neðst á spjaldinu um leið. Ef þú ert í stuði er gott að gera eins og Steindi segir, standa upp í sófanum og kalla „BINGÓ!“

Eins og áður sagði má finna nánari upplýsingar á vef Tals hér á Vísi.

FM95BLÖ